Ноччу Расея атакавала ўкраінскія энергетычныя аб’екты

Ноччу 29 сакавіка Расея зноў атакавала тэрыторыю Украіны «Шагэдамі» і крылатымі ракетамі. Пад абстрэл трапілі аб’екты энергетычнае інфраструктуры.

Здымак мае ілюстрацыйны характар.

Крыніца: ranok.ictv.ua

Усяго ўкраінскім сілам СПА ўдалося збіць 84 паветраныя цэлі з 99, з іх – 58 «Шагэдаў» і 26 ракетаў. Агулам жа расейскія войскі выкарыстоўвалі для абстрэлу крылатыя ракеты Х-101/Х-555, кіраваныя авіяцыйныя ракеты Х-59 і ракеты тыпу «Іскандэр-К».

Выбухі былі чутныя ў Дняпры і Дняпроўскай вобласці, а таксама ў Чаркаскай, Хмяльніцкай, Івана-Франкоўскай і Львоўскай вобласцях. Паветраная трывога была абвешчаная на ўсёй тэрыторыі Украіны.

Вядома, што падчас абстрэлу Польшча ўздымала ў паветра вайсковую авіяцыю для «бяспекі паветранай прасторы». Некаторыя СМІ паведамляюць, што адная з ракетаў магла пераляцець мяжу з Малдовай, але пацвярджэння гэтай інфармацыі няма.

У выніку абстрэлаў у Днепрапятроўскай вобласці пашкоджаныя сама меней тры энергетычныя аб’екты, праводзіцца аварыйнае адлучэнне святла. Таксама ракета трапіла ў аб’ект энергетычнай інфраструктуры ў Чаркаскай вобласці, пры гэтым абломкі збітых беспілотнікаў трапілі ў нежылое памяшканне. У Кіеўскай вобласці пашкоджаныя два прыватныя будынкі, але абышлося без ахвяраў.

Паведамляецца таксама пра аднаго параненага ў Каменскім раёне Днепрапятроўскай вобласці.

Раман Шавель belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ