21 траўня працаўнікі Дзяржаўнага памежнага камітэту затрымалі двух беларусаў: адзін з іх меў намер перабрацца праз мяжу, каб схавацца ад палітычнага пераследу, другі – дапамагаў яму дабрацца да памежжа. На канале ДПК з’явілася пакаяльнае відэа з мужчынамі ў найлепшых традыцыях ГУБАЗіКу.
Мужчыны, затрыманыя на беларуска-літоўскай мяжы.
Фота: скрыншот з відэа / Пограничный комитет Беларуси / Telegram
Мужчынаў затрымалі на мяжы з Літвой.
На відэа адзін з затрыманых кажа, што на яго заведзеная крымінальная справа паводле ч. 1 арт. 130 Крымінальнага кодэксу («Распальванне расавай, нацыянальнай або рэлігійнай варожасці і варажнечы») за тое, што ў 2021 годзе ён ухваляў зайбойства працаўніка КДБ Дзмітрыя Федасюка, якое адбылося падчас захопу кватэры айцішніка Андрэя Зельцара.
На відэа чуваць, як затрыманы называе сваё прозвішча: Аляксандр Судняковіч. На камеру мужчына распавядае, што раскайваецца ў сваіх дзеяннях, абяцае «больш такога ніколі не рабіць».
Другі затрыманы (Андрэй Пупкевіч) дапамагаў Судняковічу дабрацца да мяжы. З ягоных словаў, да яго звярнуліся беларусы, якія жывуць за мяжою, з просьбай даставіць Судняковіча да дзяржаўнай мяжы. За гэта Пупкевічу нібыта абяцалі заплаціць грошы. Самога Пупкевіча, як ён гаворыць на камеру, затрымлівалі ў 2020 годзе «за ўдзел у масавых мерапрыемствах».
У тэлеграм-канале Памежнага камітэту адзначаецца, што «мужчына арыштаваны. Праводзяцца следчыя дзеянні», але не ўдакладняецца, хто канкрэтна быў арыштаваны, як не паведамляецца і тое, што стала з другім затрыманым.
Раман Шавель belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS