Мігранты зноў штурмуюць мяжу ЕЗ з Беларусі. Выжываюць не ўсе

Рэкордная для выходных дзён колькасць спробаў незаконнага пранікнення з беларускай тэрыторыі – 624 – зафіксавалі суседнія з Беларуссю краіны Еўразвязу, піша «Позірк» са спасылкай на звесткі памежных службаў. З пачатку года на мяжы загінула найменей 3 мігранты, паведамляе беларускі памежны камітэт. 

Здымак мае ілюстрацыйны характар. Мяжа Польшчы з Беларуссю.

Фота: Straż Graniczna / X.com

У суботу, 6 красавіка, папярэджана 345 спробаў нелегальнага перасячэння мяжы (Польшчай – 296, Латвіяй – 44, Літвой – 5), у нядзелю, 7 красавіка, – 279 (232, 47, 0).

Да гэтага самымі напружанымі былі выходныя дні 30 верасня і 1 кастрычніка 2023 года – 568 выпадкаў.

Разам з тым, памежны камітэт Беларусі паведаміў, што ўвечары 8 красавіка на беларуска-польскай мяжы ў Пружанскім раёне памежнікамі знойдзены чарговы труп мужчыны неславянскай знешнасці. Гэта ўжо трэці факт смерці ўцекачоў ад пачатку году на мяжы з Польшчай.

Цела замежніка знаходзілася паблізу брамкі для жывёлаў у польскай загародзе.

Супрацоўнікі Следчага камітэту ў асабістых рэчах загінулага знайшлі пашпарт на імя 36-гадовага грамадзяніна Афганістану.

З 2021 года на мяжы з сумежнымі краінамі Еўразвязу зафіксаваны 48 фактаў гібелі іншаземцаў, 24 з якіх – на мяжы з Польшчай.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ