Ад 4 чэрвеня 2024 года набылі моц новыя правілы экспарту легкавых аўтамабіляў узростам да 5 гадоў, якія тычацца Беларусі і Расеі. Магчыма, чэргі на выезд з Літвы ад гэтага зменшацца. Днём раней набыла моц забарона ўвозу харчовых тавараў з Беларусі і Расеі – дэмакратычныя сілы размаўляюць з Літвой аб тым, каб забарону змякчылі. І Літва заўважыла схему праходу мяжы без чаргі.
Здымак мае ілюстрацыйны характар. Чарга на ўезд у Беларусь на пункце пропуску «Каменны Лог». 30 траўня 2024 года.
Фота: Gpk.gov.by
Машыны, якія купіла фізічная асоба, цяпер зможа везці ў Беларусь (экспартаваць, рээкспартаваць ці везці транзітам у трэцюю краіну) толькі сама гэтая фізічная асоба, а не блізкія родзічы, нават калі тыя маюць дазвол уласніка.
Для ўвозу машыны ў Беларусь на экспарт, рээкспарт ці транзіт спатрэбяцца наступныя дакументы:
- дамова куплі-продажу і выпіска з рахунку, якая пацвердзіць паступленне грошай ад пакупніка;
- пасведчанне аб канчатковым атрымальніку тавару (для юрыдычных асобаў выпіска аб рэгістрацыі) і тлумачэнне таго, дзе машына будзе выкарыстаная;
- абавязальніцтва ад экспарцёра і пакупніка аб тым, што тавар не будуць прадаваць ці перадаваць для выкарыстання ў Расеі;
- калі машына ідзе не сваім ходам, то транспартныя дакументы і дакументы аб сплаце перавозкі машыны да перадачы атрымальніку (выпіска з банкаўскага рахунку кампаніі-перавозніка).
Дэкларацыю вытворцы цяпер трэба будзе падаваць разам з гэтымі дакументамі.
Акрамя таго, цягам 40 дзён пасля афармлення адпаведнай дэкларацыі трэба будзе прадставіць копію дакументаў аб тым, што мытная працэдура завершаная ў трэцяй краіне.
Калі высветліцца, што машыну экспартавалі ці рээкспартавалі ў Расею замест пазначанай трэцяй краіны, гэта будзе парушэннем санкцыяў. Мае распачацца расследаванне, да канца якога экспарцёру будзе забаронена здзяйсняць мытныя працэдуры.
Да чаго тут чэргі на мяжы
На межах Беларусі з дзяржавамі Еўразвязу працяглы час назіраюць даўжэзныя чэргі. Прычыны іх розныя, але ў чатах пра мяжу з Літвой часта наракаюць: у чарзе ў Беларусь шмат перагоншчыкаў машынаў.
Змены ў правілах, апісаныя вышэй, былі ўведзеныя адпаведна мытнаму пагадненню пяці краінаў Еўразвязу, падпісанаму 9 траўня ў Вільні. Імаверна, перагоншчыкі машынаў загадзя ведалі аб зменах правілаў і намагаліся вывезці як мага больш машынаў да набыцця правіламі моцы.
Забарону па прадуктах харчавання могуць паслабіць
Днём раней Літва забараніла імпарт сельскагаспадарчай прадукцыі і кармоў расейскага і беларускага паходжання. Як аказалася, мытнікі трактуюць гэта як забарону нават фізічным асобам везці з Беларусі ў Літву нават гарбату ў тэрмасе.
«Літоўская мытня інфармуе, што выконвае пастанову ўраду Літоўскай Рэспублікі, у якой не прадугледжаныя выключэнні, у тым ліку для фізічных асобаў», – напісалі на запыт «Белсату» ў мытні.
Франак Вячорка, галоўны дарадца Святланы Ціханоўскай, вечарам 3 чэрвеня расказаў «Позірку», што дэмакратычныя сілы размаўлялі з уладамі Літвы аб змякчэнні ці ўдакладненні гэтых санкцыяў і «атрымалі канструктыўную рэакцыю».
Дарадца Ціханоўскай Алесь Аляхновіч назваў абмежаванні для фізічных асобаў памылкай. Ён адзначыў, што ў 2023 годзе імпарт у Літву з Беларусі і Расеі дасягнуў гістарычнага мінімуму; з Беларусі Літва імпартавала тавараў толькі на 302 млн долараў, што склала 0,6 % ад агульнага імпарту. І падсанкцыйныя тавары – траціна ад таго імпарту. Таму ў маштабах усёй Літвы гэта мізэрныя змены, але яны закранулі звычайных грамадзянаў Беларусі, якія вязуць з сабой для асабістых мэтаў прадукты харчавання і лекі (а лекаў наогул не было ў санкцыйных спісах, ды іх правоз часам забараняюць).
«Такія дзеянні больш шкодзяць звычайным беларусам, чым рэжыму Лукашэнкі, – заявіў Аляхновіч. – Абмежаванні ў адносінах да фізічных асобаў – гэта памылка, і мы будзем звяртацца да літоўскага боку з прапановай перагледзець працу мытнай службы».
Ці не зменяць правілы праезду без чаргі?
Магчыма, гэта не апошняя змена ў правілах пераходу літоўска-беларускай мяжы. Літоўскае нацыянальнае радыё і тэлебачанне (LRT) звярнула ўвагу на схему праходу мяжы без чаргі пры фальшывай заяве аб правозе пасажыра з частковай недзеяздольнасцю. Правезці з «недзеяздольным» прапануюць за 50–65 еўра. Дырэкцыя памежнага кантролю заявіла, што ведае аб праблеме.
Hавiны
Польшча не пабачыла магчымасці адкрыць пункт пропуску «Баброўнікі» на мяжы з Беларуссю
2024.06.04 08:38
Алесь Наваборскі belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS