Мытня Нідэрландаў здзейсніла праверку ў дачыненні трох кампаніяў, якія працуюць у сферы лесанарыхтоўчай прамысловасці. Як мяркуецца, яны імпартавалі лесаматэрыялы з Расеі і Беларусі праз Кітай і Кыргызстан, піша прэс-служба мытні.
Здымак мае ілюстрацыйны характар. На мяжы Бярэзінскага запаведніку нарыхтоўваюць драўніну. Менская вобласць, Беларусь. 26 кастрычніка 2021 года.
Фота: Белсат
Імпарт драўніны і вырабаў з яе з Беларусі і Расеі забаронены з 2 сакавіка 2022 года (выключэнне – пастаўкі паводле кантрактаў, якія былі заключаныя да названай даты). Гэтыя санкцыі былі ўведзеныя за агрэсію супраць Украіны.
«Лесагандляры з гэтых краінаў спрабуюць абысці правілы, пастаўляючы сваю прадукцыю на еўрапейскі рынак праз іншыя дзяржавы. Каманда POSS (Precursors, Origin, Strategic Goods and Sanctions Legislation) адказвае ў мытнай службе за маніторынг санкцыйных захадаў», – распавядае мытня Нідэрландаў.
Адзначаецца, што кампаніі, якія праверыла мытня, цалкам супрацоўнічалі падчас праверкі.
«Выкарыстоўваючы гэтыя звесткі, мытная служба правядзе расследаванне паходжання імпартаванай драўніны. Калі выявіцца, што драўніна паступае з санкцыйных краінаў, будзе вызначацца, ці ведалі пра гэта кампаніі. Мытня перадае вынікі расследавання пракурору. Апошні ў выніку вырашае, ці будзе распачатая крымінальная справа», – падсумоўвае мытня Нідэрландаў.
Апошнія даступныя гандлёвыя звесткі на Белстаце – за 2021 год. Тады асноўнымі пакупнікамі беларускай драўніны і вырабаў з яе былі Польшча, Літва, Расея, Латвія, Нямеччына, Украіна і Нідэрланды.
Пасля ўвядзення санкцыяў вытворцы з Беларусі і Расеі шукаюць схемы, каб працягваць гандляваць з ЕЗ. Пра гэта сведчаць расследаванні журналістаў.
Hавiны
БРЦ даведаўся, як Беларусь з дапамогай фоташопу абыходзіць санкцыі Еўразвязу
2024.03.26 19:09
Арсен Рудэнка belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS