У Арменіі людзі з Тавушскай вобласці, якая мяжуе з Азербайджанам, пяць сутак ішлі пешшу да Ерэвана. 9 траўня яны зладзілі акцыю пратэсту каля будынку ўрада. Тысячы чалавек патрабуюць спыніць дэмаркацыю спрэчнай мяжы з Азербайджанам. Раней прэм’ер Арменіі Нікол Пашыньян сказаў, што гэта пагражае новай вайной.
я пратэсту ў Ерэване 9 траўня 2024 года.
Фота: «Вот Так»
Людзі перажываюць, што мяжа будзе праходзіць блізка ад армянскіх сёлаў і лічаць гэта небяспечным. Таксама пратэстоўцаў не задавальняе, што план па пазначэнні мяжы прадугледжвае саступкі тэрыторыі толькі з боку Арменіі. Згодна з дамоўленасцямі Баку і Ерэвана, Арменія павінна перадаць Азербайджану чатыры сёлы ўздоўж мяжы.
Пратэсты арганізаваў рух «Тавуш за Радзіму». Марш ад памежжа да Ерэвана пачаўся яшчэ 4 траўня на чале з арцыбіскупам Тавушскай епархіі Армянскай апостальскай царквы Багратам Галстанянам. Па дарозе да калоны далучыліся аднадумцы.
«Калі вам дарога ваша Радзіма, наша дзяржава, кроў і жыцці нашых пакутнікаў-дзяцей. Якімі б цяжкімі ні былі гэтыя два – тры дні, нам давядзецца прайсці праз гэтыя пакуты, каб праз іх атрымаць перамогу. Іншага шляху няма», – звярнуўся да пратэстоўцаў біскуп.
Паводле ацэнак карэспандэнта «Вот Так», каля будынку ўраду сабралася мінімум 3 тысячы чалавек, якія скандавалі антыўрадавыя лозунгі.
Адзін з пратэстоўцаў, які прадставіўся Генам, дакарае прэм’ер-міністра краіны Нікола Пашыньяна ў перадачы сёлаў.
«Мы кажам “не” яго рашэнню! Для дэлімітацыі і дэмаркацыі мяжы павінен быць спачатку дагавор, потым дэлімітацыя, а затым ужо дэмаркацыя. Пашыньян жа незаконна робіць усё наадварот», – кажа Гена.
Яшчэ адзін чалавек на мітынгу, Андранік, распавёў карэспандэнту «Вот Так», што прайшоў дзве карабахскія войны – у 1990-х і ў 2020-м гадах. Пашыньяна ён назваў здраднікам.
«Армянскі народ не гатовы на яшчэ адны саступкі – мы гатовыя змагацца! Гэта Нікол Пашыньян. Ён разбурыў нашу армію ў 2018 годзе, разагнаўшы старых ваеначальнікаў. І ён адмыслова вядзе антырасейскую палітыку. Гэта дрэнна для армянскага народу. Хто стаіць на мяжы з Турцыяй? Расейскія памежнікі. Ён думае, што еўрапейцы і амерыканцы прыйдуць тут супраць Азербайджану ваяваць? Не!», – кажа мужчына.
Аналітыка
З адпачынку – у самае пекла. Што чакае расейскіх міратворцаў, якіх выводзяць з Карабаху
2024.04.22 07:00
Чатыры сяла трэба вярнуць паводле права
Раней Нікол Пашыньян сказаў, што адмова ад дэмаркацыі і дэлімітацыі мяжы пагражае Арменіі новай вайной. У канцы красавіка, калі Азербайджан і Арменія пачалі дэлімітацыю мяжы, ён заявіў, што мэта працэсу – мірнае суседства.
«Наша мэта складаецца ў тым, каб вы не казалі: “Вай, 50 метраў у той бок Азербайджан”. А каб вы казалі: “Вай, як добра, што за 50 метраў Азербайджан, мы будзем з ім гандляваць…”», – сказаў Пашыньян.
Ён адзначыў, што іншага шляху няма, паколькі вёскі дэ-юрэ – тэрыторыя Азербайджану. І, калі Арменія – гэта прававая дзяржава, то міжнароднае права трэба выконваць.
«Народ, прабачце, але давайце прызнаемся, што апошнія 30 гадоў мы жылі ва ўмовах беззаконня. Цяпер мы кажам: эпоха беззаконня павінна скончыцца – і з нашага боку, і з іх боку», – падкрэсліў Пашынян.
Hавiны
З Нагорнага Карабаху ў Арменію выехала амаль 100 тысяч чалавек
2023.09.29 21:30
Арсен Рудэнка belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS