Міністарка ўнутраных справаў Літвы Агне Білатайце пракаментавала павелічэнне патоку нелегальных мігрантаў, якія робяць агрэсіўныя спробы перасекчы беларуска-польскую мяжу. Паводле яе словаў, гэта атака, якую арганізаваў беларускі рэжым.
Польска-беларуская мяжа.
Фота: Straz_Graniczna/Twitter
«Была вялізная група, група з 450 чалавек, якія спрабавалі агрэсіўнымі метадамі пракрасціся на тэрыторыю Польшчы. Выглядае, што гэта не спантанны працэс. Такая вялікая група з краін Азіі і Афрыкі не магла сабрацца па адзіночцы. Гэта атака, арганізаваная беларускім рэжымам. Мы адсочваем гэтую сітуацыю. Падтрымліваем сталую сувязь з нашымі калегамі ў Польшчы», – перадае словы Агне Білатайце «Delfi».
Са словаў міністаркі, апошнім часам на літоўска-беларускай мяжы назіраліся толькі адзінкавыя выпадкі незаконнага пераходу мяжы. Аднак у той жа час сярэдняя колькасць спробаў перайсці польска-беларускую мяжу з тэрыторыі Беларусі даходзіць да 250 штодзённа.
«Хочам вас запэўніць, што Літва кіруе і кантралюе сітуацыю, дзейнічае найвышэйшы ўзровень пільнасці», – сказала Білатайце.
Сапраўды, апошнім часам колькасць мігрантаў на беларуска-польскім памежжы істотна вырасла. Паводле польскай Памежнай аховы, з 29 сакавіка да 1 красавіка на беларуска-польскай мяжы зафіксавалі 736 спробаў нелегальнага пераходу. Гэта ўдвая больш, чым фіксавалася ў папярэднія дні: гэтак, 27–28 сакавіка было адзначана 356 спробаў перасячэння мяжы, а 25–26 сакавіка – 243 спробы.
Пры гэтым мігранты аб’ядноўваюцца ў вялікія групы, з якімі даводзіцца змагацца польскім памежнікам. 10 красавіка Памежная ахова Польшчы паведаміла пра тое, што патрулі адбілі спробу больш як 220 замежнікаў незаконна перасекчы мяжу.
Раман Шавель belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS