Штогадовы міжнародны фотаконкурс «World Press Photo – 2024» абвесціў рэгіянальных пераможцаў. У 2024 годзе на конкурс было даслана 61 062 здымкі ад 3851 фотажурналіста і фатографа-дакументаліста. Незалежнае журы адабрала 24 пераможцы і 6 ганаровых прызёраў са 130 краінаў. Паказваем частку працаў з з розных катэгорыяў з розных куткоў свету.
Чатыры галоўныя пераможцы ў намінацыях Singles, Stories, Long-Term Projects, Open Format будуць аб’яўлены 18 красавіка 2024 года.
Survivors
32-гадовая Шыла, маці траіх дзяцей, трымала цырульню да таго, як эрытрэйскія салдаты ўварваліся ў яе горад і неаднаразова гвалтавалі яе на працягу трох месяцаў. У выніку Шыла зацяжарала і нарадзіла хлопчыка, але іншыя яе дзеці не ведаюць, што перажыла іх маці. Шыла не ўпэўненая, ці будзе яна калі-небудзь дастаткова моцнай, каб сказаць ім праўду. Мэкэле, Эфіопія.
Фота: Arlette Bashizi
The Aftermath of the Supernova Festival Attack
Афіцэр ізраільскіх сілаў бяспекі шукае на месцы правядзення музычнага фестывалю «Supernova» асабістыя рэчы ахвяраў нападу «Хамасу» 7 кастрычніка. У выніку ўварвання тэрарыстаў на тэрыторыю Ізраілю загінулі каля 1200 чалавек, больш за 2500 атрымалі раненні, а каля 250 чалавек апынуліся ў закладніках у сектары Газа. Рэйм, Ізраіль.
Фота: Leon Neal
Fighting, Not Sinking
72-гадовая Лётамаў Ф’яф’я, старэйшына абшчыны, стаіць са сваім унукам Джонам на тым месцы, дзе, як ён памятае, у яго дзяцінстве была берагавая лінія. Затока Салья, Фіджы.
Фота: Eddie Jim
A Day in the Life of a Quebec Fire Crew
Тэо Дагно аглядае гарызонт, каб пераканацца, што патрулі пажарных сышлі, і можна пазначыць тэрыторыю як «кантраляваную» пасля ляснога пажару. Кўэбэк, Канада.
Фота: Charles-Frédérick Ouellet
Saving the Monarchs
Матылёк, які спазніўся, спрабуе праціснуцца паміж іншымі матылькамі-манархамі, каб сагрэцца, у запаведніку матылькоў-манархаў «El Rosario» – месцы зімоўкі пералётных матылькоў. Мічаакан, Мексіка.
Фота: Jaime Rojo
Afghanistan on the Edge
Дзеці глядзяць на яблык, які іх маці прынесла дадому пасля жабравання, у лагеры для ўнутрана перамешчаных асоб у Баграмі, Афганістан.
Фота: Ebrahim Noroozi
Pollution in the Cileungsi River
Жыхар ловіць рыбу на калісьці маляўнічым вадаспадзе Куруг-Парыгі на рацэ Кіленгсі. Густая пена на вадзе ў асноўным з’яўляецца прадуктам сцякання адходаў з бліжэйшых прамысловых прадпрыемстваў. Куруг-Парыгі, Інданезія.
Фота: Arie Basuki
Valim-babena
Дада Паўль і яго ўнучка Адліятэмікс рыхтуюцца да паходу ў царкву. Мужчына жыве з дэменцыяй ужо 11 год. Большую частку гэтага часу яго сям’я лічыла, што ён «сышоў з розуму», ці тлумачыла сімптомы ўжываннем алкаголю. Толькі яго дачка Фара заўважыла змены ў ім, працягваючы даглядаць за бацькам. Антанарыву, Мадагаскар.
Фота: Lee-Ann Olwage
Drought in the Amazon
Рыбак ідзе праз сухое рэчышча рукава ракі Амазонка, недалёка ад абшчыны карэннага насельніцтва Порту-Прая. Тэфэ, Бразілія.
Фота: Lalo de Almeida
A Father’s Pain
Мэсут Хансэр трымае за руку сваю 15-гадовую дачку Ірмак, якая загінула ў сне, калі дом яе бабулі абрынуўся падчас землятрусу ў Кахраманмараш, Турцыя.
Фота: Adem Altan
Больш здымкаў глядзіце на сайце World Press Photo.
Андрэй Шаўчэнка belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS