Намеснік Святланы Ціханоўскай і кіраўнік Народнага антыкрызіснага ўпраўлення Павел Латушка звярнуўся да беларусаў з просьбай дапамагчы ў пошуку інфармацыі пра ўкраінскіх дзяцей, якіх незаконна вывезлі ў Беларусь.
Павел Латушка.
Фота: скрыншот з відэа
Сёння ў Беларусь прымусова прывозяцца тысячы дзяцей з акупаваных тэрыторыяў Украіны – іх фактычна гвалтам адрываюць ад свайго атачэння, народу, культуры, мовы, нагадвае Павел Латушка.
«Быць прымусова перамешчаным, дэпартаваным, расці сярод чужых табе людзей, сярод чужой культуры – гэта глыбокая траўма, якая будзе пераследаваць дзіця ўсё жыццё. І чым даўжэй гэта працягваецца, тым больш сур’ёзныя наступствы для дзіцяці», – зазначае палітык.
Украіна сёння актыўна шукае дзяцей, незаконна вывезеных у Беларусь, і дапамагчы ёй – абавязак грамадзянаў Беларусі, перакананы Павел Латушка. Акрамя таго, інфармацыя пра гэтыя факты дапаможа НАУ ў зборы матэрыялаў для Міжнароднага крымінальнага суду, якія дакажуць датычнасць прадстаўнікоў рэжыму Лукашэнкі да злачынства – незаконнага вывазу дзяцей з акупаваных тэрыторыяў.
«Важна разумець, што гэта менавіта Лукашэнка незаконна перамяшчае ўкраінскіх дзяцей у Беларусь. Але любы, хто ў гэтым замешаны, будзе таксама крымінальна датычны да гэтых злачынстваў, – кажа намеснік Ціханоўскай. – Украіна не даруе злачынстваў супраць сваіх дзяцей, міжнародная супольнасць не даруе такіх злачынстваў. Датычныя будуць заўсёды жыць пад страхам крымінальнага пераследу па ўсім свеце».
Разбор
Украінскіх дзяцей масава вывозяць у Беларусь. Што адбываецца – і чаму гэта ваеннае злачынства?
2023.07.12 08:07
Адзіны спосаб пазбегнуць адказнасці, паводле палітыка, – паспрыяць вяртанню дзяцей дамоў, у сваю дзяржаву. Таму Павел Латушка звяртаецца да беларусаў з просьбай дапамагчы ў пошуку наступнай інфармацыі:
- пра месцы знаходжання любых дзяцей грамадзянаў Украіны, якія знаходзяцца ў Беларусі без сваіх бацькоў, уключаючы сіротаў;
- пра сем’і, у якіх яны знаходзяцца;
- пра перамяшчэнне ўкраінскіх дзяцей па тэрыторыі Беларусі;
- пра асобаў, датычных да іх незаконнага перамяшчэння;
- пра асаблівасці абыходжання з дзецьмі;
- іншай інфармацыі, якая мае дачыненне да незаконнага перамяшчэння ўкраінскіх дзяцей у Беларусь.
Рэпартаж
Гуманізм са зброяй. Як Аляксей Талай вывозіць украінскіх дзяцей у Беларусь
2023.11.06 18:45
Марыя Міхалевіч belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS