Мікалай Лукашэнка вучыцца ў Пекінскім універсітэце на спецыяльнасці біятэхналогіі. Сакратар партыйнага камітэта кітайскага ВНУ Хаа Пін заявіў тэлеканалу «Беларусь 1», што хлопец нікому не кажа, хто ягоны бацька.
Мікалай Лукашэнка ў Горадні, Беларусь. 22 жніўня 2020 года.
Фота: Мікола Камінскі / Белсат
Пра тое, што малодшы сын самаабвешчанага кіраўніка Беларусі цяпер вучыцца ў Пекінскім універсітэце стала вядома год таму – пра гэта распавёў сам Аляксандр Лукашэнка. Факультэт і спецыялізацыю ён тады не назваў.
На гэтым тыдні, 25 чэрвеня, сакратар партыйнага камітэта Пекінскага ўніверсітэту Хаа Пін наведаў Менск і сустрэўся з Аляксандрам Лукашэнкам. Увечары 30 чэрвеня на тэлеканале «Беларусь 1» выйшаў сюжэт, у якім Хаа Пін адказаў на пытанне наконт Мікалая Лукашэнкі.
«Ён вельмі сціплы. Ён нікому не кажа, што ён сын прэзідэнта. Калі б пра гэта даведаліся, ці магчыма было ўвогуле вучыцца? Я за ім назіраў. Ён сапраўды вельмі добра вучыцца. Ён найлепшы студэнт на курсе. Вельмі ўдумлівы хлопец. І сціплы», – заявіў Хаа Пін у размове з беларускімі прапагандыстамі.
Паводле «Беларусь 1», Мікалай Лукашэнка вучыцца ў Пекіне па праграме абмену для «таленавітых студэнтаў-біятэхнолагаў». Зазначым, што раней, у 2022 годзе, паведамлялася, што Коля – студэнт біялагічнага факультэту БДУ.
У сюжэце «Беларусь 1» таксама паказалі кадры, дзе побач стаяць малодшы сын Лукашэнкі, кіраўнік МЗС РФ Сяргей Лаўроў (ён наведаў Менск 25 чэрвеня) і цяпер ужо былы міністр замежных справаў Беларусі Сяргей Алейнік. «Мікалай ужо асвоіў крышку [кітайскую мову]?» – пытаецца Алейнік. «Гэта доўгі працэс», – адказвае Мікалай.
Аналітыка
Сямейная традыцыя: дзе б мог служыць Коля Лукашэнка
2022.08.31 08:11
Глеб Нержын belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS