Кіраўніца Саюзу палякаў Беларусі Анджэліка Борыс паведаміла пра спатканне з палітвязнем Анджэем Пачобутам у наваполацкай калоніі. Яна апавяла пра гэта прэзідэнту Польшчы Анджэю Дудзе на сустрэчы ў Варшаве 15 красавіка, інфармуе канцылярыя польскага лідара.
Прэзідэнт Польшчы Анджэй Дуда і кіраўніца Саюзу палякаў Беларусі Анджэліка Борыс. Варшава, Польшча. 15 красавіка 2024 года.
Фота: Przemysław Keler / KPRP
Кіраўнік Польшчы Анджэй Дуда сустрэўся ў прэзідэнцкім палацы з лідарамі Саюзу палякаў Беларусі – Анджэлікай Борыс і Марэкам Занеўскім.
«Спадарыня Борыс паведаміла пра спатканне з Анджэем Пачобутам, які перабывае ў зняволенні ў наваполацкай калоніі, што адбылося са згоды Аляксандра Лукашэнкі», – апавялі ў канцылярыі польскага прэзідэнта.
Калі адбылася сустрэча Борыс з Пачобутам, не ўдакладняецца. Таксама невядомыя акалічнасці гэтага спаткання.
Сустрэча прэзідэнта Польшчы Анджэя Дуды з лідарамі Саюзу палякаў Беларусі. Варшава, Польшча. 15 красавіка 2024 года.
Фота: Przemysław Keler / KPRP
Анджэліку Борыс і Анджэя Пачобута затрымалі 25 сакавіка 2021 года. У красавіку летась Борыс вызвалілі, закрыўшы справу супраць яе. Актывістку абвінавачвалі ў «распальванні варожасці», і за два гады следства не знайшло прыкметаў злачынства.
Журналіст, сябра Саюзу палякаў Беларусі Анджэй Пачобут адбывае 8-гадовы тэрмін паводле абвінавачвання ў «распальванні варожасці» і «закліках да санкцыяў». Такі вырак агучыў суддзя Гарадзенскага абласнога суда Дзмітрый Бубенчык. Пазней суддзя Вярхоўнага суда Ігар Любавіцкі адхіліў апеляцыйную скаргу палітвязня.
Гісторыі
Фігура дзесяцігоддзя ў Польшчы, «тэрарыст» на радзіме. Журналіст Анджэй Пачобут – тры гады за кратамі
2024.03.25 11:31
За кратамі Пачобута кідаюць то ў штрафны ізалятар, то ў памяшканне камернага тыпу.
Сёння палітвязню споўніўся 51 год.
Агляд
Польшча заклікае да дыялогу, але Менск абвінавачвае Варшаву ў псаванні стасункаў
2023.04.14 16:50
Сцяпан Кубік belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS