«Кіберпартызаны» ўзламалі серверы прадпрыемства «Горадня Азот» і паставілі ўльтыматум уладам

«Кіберпартызаны» зладзілі кібератаку на прадпрыемства «Горадня Азот». Каб аднавіць вялізны масіў дадзеных, ад уладаў затрабавалі вызваліць палітзняволеных працаўнікоў прадпрыемства, а таксама 75 палітвязняў з кепскім здароўем.

Здымак мае ілюстрацыйны характар.

Фота: Pexels

«З 2020 года кіраўніцтва «Горадня Азот» удзельнічае ў здзеках, ціску і палітычных рэпрэсіях у адносінах да супрацоўнікаў прадпрыемства. Мы не забыліся карныя рэйды, даносы і масавыя звальненні. Цяпер ваша чарга расплачвацца», – гаворыцца ў паведамленні «Кіберпартызанаў».

Ім удалося зашыфраваць унутраную пошту, дакументазварот і сотні працоўных ПК, знішчыць бекапы баз дадзеных, сервераў, пошты, дакументазвароту, узламаць сістэмы аховы і камеры назірання, а таксама парушыць працу кацельнага цэху.

«Стаўкі падвышаюцца. Каб аднавіць дадзеныя, давядзецца дыктатару вызваліць усіх палітвязняў «Горадня Азот» плюс 75 палітвязняў з найгоршым станам здароўя (на наша меркаванне)», – выставілі ўльтыматум «Кіберпатызаны».

У іншым выпадку, як абяцаюць яны, «стаўкі будуць падвышаныя яшчэ больш».

Нагадаем, што напярэдадні Новага года кіберпартызаны ўзламалі сайт прапагандысцкай кампаніі БелТА, на якім размясцілі віншаванні беларусаў з Новым годам ад удзельнікаў кібергрупоўкі і заклік «Жыве Беларусь!».

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ