Курсы валют будзе «штарміць» з-за скачка цэн на золата

Аналітыкі далі прагноз на тое, як адаб’ецца на курсах валют у Беларусі чарговае гістарычнае павышэнне цэн на золата на сусветных рынках. Беларускаму рублю прадраклі далейшае паслабленне ў бліжэйшы час. 

Мужчына мяняе валюту ў абменным пункце «БСБ банку». Менск, Беларусь. 25 ліпеня 2022 года.

Фота: Белсат

Так, эксперты парталу Myfin.by звярнулі ўвагу на «неспакойныя курсы» замежных валют, якія назіраліся ўжо напрыканцы мінулага тыдня. На паслабленне расейскага і беларускага рублёў на ўнутраным валютным рынку, паводле іх слоў, паўплываў як рост коштаў на золата, якое на мінулым тыдні ў чарговы раз абнавіла гістарычныя максімумы, так і значнае ўмацаванне долара і зніжэнне асноўнай валютнай пары еўра / долар да мінімуму з лістапада 2023 года.

На гэтым тыдні на курсах беларускага і расейскага рубля, паводле іх слоў, не можа не адбіцца ўвядзенне новых эканамічных санкцый у дачыненні да расейскіх медзі, нікелю і алюмінію. Гэтая падзея, на думку аналітыкаў, можа паднесці валютнаму рынку Беларусі пэўныя «сюрпрызы». Такія ж асцярогі выказалі і аналітыкі парталу Select.by. Зрэшты, у бліжэйшай перспектыве рэзкага абясцэньвання нацыянальнай валюты эксперты парталу не спрагназавалі: паводле іх слоў, курс будзе захоўвацца ў межах бягучага калідора.

Падобнае меркаванне агучыў фінансавы аналітык Аляксандр Шкут у інтэрвʼю парталу Office Life. Паводле яго слоў, на гэтым тыдні тэндэнцыя на паступовае, хоць і нязначнае зніжэнне курсу беларускага рубля ў адносінах да долара, хутчэй за ўсё, захаваецца.

Сярод фактараў, якія ўплываюць на падтрыманне гэтай тэндэнцыі, якая назіраецца ўвесь папярэдні месяц, Шкут назваў рост рэальнай заработнай платы ў Беларусі.

Па прагнозе фінансавага аналітыка, такі ціск на курс нацыянальнай валюты ў Беларусі будзе захоўвацца на працягу ўсяго 2024 года, а ў кароткатэрміновай перспектыве найбольш верагоднае ваганне курсу долара ў дыяпазоне ад 3,25 да 3,3 рубля.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ