З Беларусі эвакуяваная Крысціна Мірсалімава. Яе родная сястра засталася бараніць «рускі свет»

BYSOL эвакуяваў з Беларусі віцебскую актывістку Крысціну Мірсалімаву, паведамляе на сваёй старонцы ў Фэйсбуку кіраўнік фонду Андрэй Стрыжак.

Крысціна Мірсалімава.

Крыніца: bysol.org

«Чатыры гады надзеі і супраціву – актывістка з Віцебску была ў Беларусі да апошняга, пратэставала, валанцёрыла, прынцыпова перайшла на беларускую мову. Была актыўнай, нягледзячы на пагрозы. Але ў апошні час рызыкі сталі максімальнымі і дзяўчына была эвакуяваная BYSOL», – напісаў Стрыжак.

BYSOL абвесціў дабрачынны збор для ўладкавання Крысціны на новым месцы. Сама дзяўчына распавядае, што да 2020 года ейнае жыццё было звязанае з грамадскай дзейнасцю, адукацыяй моладзі і дарослых, сям’ёй, сябрамі і Віцебскам. Але 2020 год стаў пераломным.

«Ён адкрыў для мяне не толькі беларусаў, але і саму сябе з новага боку: счэпкі, маршы, адзіночны пікет, партызаншчына, уцёкі, затрыманні, суды, ператрусы, ІЧУ – ніколі б не падумала, што гэта гісторыя пра мяне», – кажа Крысціна.

Напрыканцы 2021 года віцяблянка свядома цалкам перайшла на беларускую мову ды дапамагала грашыма, перадачамі, лістамі, камунікацыяй, родным палітзняволеных.

«А галоўнае: я заставалася ўнутры Беларусі, не гледзячы на ўвесь ціск. Гэта былі цяжкія тры з паловай гады ў Віцебску, але шчаслівыя: я была ўдома, я была побач з мамай, якой так неабходная мая дапамога, я была са сваім самым улюбёным сабакам Курцікам, і я магла працягваць нашую барацьбу», – распавядае Крысціна.

Усё змянілася падчас «вялікага хапуна» 23 студзеня гэтага года – Крысціне прысудзілі 15 содняў у жорсткіх умовах ІЧУ, а потым завялі крымінальную справу, таму дзяўчына прыняла рашэнне з’ехаць. Удома ў яе засталася хворая 73-гадовая маці, а таксама сабака Курт, які жыве з ёй.

Крысціна – родная сястра Эльвіры Мірсалімавай, якая стала па іншы бок барыкад і цяпер бароніць «рускі мір» у Беларусі. У лютым Эльвіру пакаралі штрафам на суму 2600 рублёў за парушэнне парадку правядзення масавых мерапрыемстваў, распаўсюд «экстрэмісцкай» інфармацыйнай прадукцыі і прапаганду або публічнае дэманстраванне, выраб, распаўсюд нацысцкай сімволікі або атрыбутыкі.

Эльвіра Мірсалімава не саромеецца казаць, што беларусы – гэта расейцы. А яшчэ яна назвала Сталіна вялікім дзеячам гісторыі і прапанавала паставіць яму помнік у Беларусі. У 2019 годзе жанчына спрабавала трапіць у Палату прадстаўнікоў, але на сваім участку ў Віцебску набрала ўсяго 15 галасоў.

Марыя Міхалевіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ