Зяленскі праінспектаваў мяжу з Беларуссю

Прэзідэнт Украіны Уладзімір Зяленскі наведаў Валынскую вобласць Украіны, якая мяжуе з Беларуссю і Польшчай, правёў нараду па бяспецы і праверыў будаўніцтва фартыфікацыйных збудаванняў. З пачатку поўнамаштабнага расейскага ўварвання тут былі пабудаваныя супрацьтанкавыя равы, загараджальныя платы і апорныя пункты з агнявымі пазіцыямі.

Прэзідэнт Украіны Уладзімір Зяленскі.

Фота: President.gov.ua

30 ліпеня падчас працоўнай паездкі ў Валынскую вобласць Уладзімір Зяленскі наведаў памежны ўчастак. Прэзідэнт Украіны агледзеў уладкаванне траншэй, агнявых збудаванняў і пазіцый, бліндажоў на напрамках верагоднага руху браняванай тэхнікі акупантаў устаноўлены жалезабетонныя канструкцыі і ахоўныя збудаванні для хованкі асабістага складу.

«З нашага боку ёсць трывалая абарона і ў асабістым складзе па колькасці, і ў лініях абароны. Ва ўсіх абласцях, якія маюць мяжу з Расеяй і Беларуссю, таксама павялічылі колькасць памежнікаў. І мы працягваем гэта ўзмацняць», – выказаўся Зяленскі.

Валынь актыўна ўмацоўвае ўкраінска-беларускую мяжу. На большай частцы мяжы ўжо ўсталявана сістэма інжынерных загарод. Памежнікі працягваюць працу па капанні супрацьтанкавых равоў і ўстаноўцы платоў.

Як паведаміла прэс-сакратарка валынскіх памежнікаў Маргарыта Вяршыніна, новы металічны плот будуюць у багністых і цяжкадаступных месцах, дзе прымяняюцца жалезабетонныя піраміды, якія ў народзе называюць «зубамі дракона». Гэтыя канструкцыі разлічаны на супрацьстаянне руху цяжкай тэхнікі і ўсталёўваюцца ў месцах, дзе тэрыторыя больш сухая.

Надзея Вольная belsat.eu 

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ