За ўдзел у маршах 2020-га судзяць цэлыя сем’і. Хроніка рэпрэсіяў

Сілавікі працягваюць караць беларусаў як унутры краіны, так і за яе межамі.

Здымак мае ілюстрацыйны характар.

Фота: sb.by

Мужа і жонку асудзілі за ўдзел у двух маршах 2020-га

Мужа і жонку Сяргея і Дзіяну Данчанкаў асудзілі за ўдзел у двух маршах 2020-га ў Менску – 23 жніўня і 20 верасня. Яны атрымалі па 2,5 года «хатняй хіміі» (суддзя – Анастасія Ачалава), паведамляюць праваабаронцы.

У сям’і ёсць дзіця, Дзіяна знаходзіцца ў дэкрэтным адпачынку. Да суда Данчанкі знаходзіліся пад закладам у памеры 20 тысяч рублёў кожны.

Жыхара Рэчыцы затрымалі за каментары

Праўладныя тэлеграм-каналы паведамілі пра затрыманне ў Рэчыцы мужчыны, які працаваў на заводзе па вытворчасці цвікоў, піша «Палеская вясна».

Сцвярджаецца, што затрыманы нібыта пакідаў абразлівыя каментары пра міліцыянтаў, грамадзян Расеі і яе вайскоўцаў.

Справа 257-мі

Цэнтральны апарат Следчага камітэту распачаў крымінальныя справы супраць тых, хто балатуецца ў каардынацыйную раду, фігурантамі сталі 257 чалавек, паведамляе прэс-служба ведамства.

Справы распачатыя па артыкулах аб змове з мэтай захопу ўлады, закліках да дзеянняў супраць нацбяспекі, стварэнні «экстрэмісцкага» фармавання і садзейнічанні «экстрэмісцкай» дзейнасці (артыкулы 357, 361, 361-1 і 361-4 КК), паведамляе прэс-служба ведамства.

«Паводле наяўнага алгарытму, у рамках расследавання крымінальнай справы атрыманая інфармацыя аб абʼектах нерухомасці і маёмасці на тэрыторыі краіны. Цяпер праводзяцца следчыя дзеянні, у тым ліку агляды, ператрусы, накладанне арышту на маёмасць і іншыя працэсуальныя мерапрыемствы», – сказана ў паведамленні СК.

Раней усе спісы былі прызнаныя «экстрэмісцкімі фармаваннямі».

Паліне Шарэнда-Панасюк ужо трэці раз выставілі абвінавачванне ў «непадпарадкаванні адміністрацыі калоніі». Пра гэта @mediazona_by распавёў яе муж Андрэй Шарэнда. Меркавалася, што палітзняволеная выйдзе на волю 21 траўня. Але з калоніі яе адправілі ў следчы ізалятар у Гомлі, была распачатая новая крымінальная справа.

У Беларусі палітвязнямі прызналі яшчэ 19 чалавек

Гэта – Арцём Макавей, Аляксей Герман, Глеб Сахар, Кацярына Шаблінская-Іванова, Васіль Прохараў, Ларыса Прохарава, Павел Прохараў, Вікторыя Дамастрой, Уладзімір Балабановіч, Наталля Крук, Дзмітрый Цікуноў, Антон Казельскі, Людміла Ліхачэўская, Марыя Місюк, Цімафей Барысаў, Дзмітрый Захарошка, Анастасія Кліменка, Аляксандр Пуліновіч і Данііл Герасім. Беларускія праваабаронцы лічаць іх справы палітычна матываванымі і патрабуюць вызвалення.

Сярод новых палітвязняў ёсць двое грамадзян Украіны – Макавей і Місюк.

На сённяшні дзень у Беларусі налічваецца 1393 палітычных зняволеных.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ