За дрон у сумцы – крыміналка. Беларускі блогер трапіў у пастку ў Дубаі

Грамадзянаў Беларусі і Расеі, Радзівона Куліка і Кірыла Коласава, затрымалі ў Дубаі за квадракоптар, знойдзены ў сумцы. На іх завялі крымінальную справу, піша тэлеграм-канал «Mash».

Дубай, Аб’яднаныя Арабскія Эміраты.

Крыніца: funart.pro

Паведамляецца, што Кірыл Коласаў і Радзівон Кулік у красавіку прыехалі ў ААЭ па кантэнт. У Дубаі яны жылі ў гатэлі «Marina Diamond 6» і аднойчы ноччу падняліся на дах, каб паздымаць віды зверху на тэлефоны і фотаапараты. З даху маладыя людзі спусціліся толькі раніцай і адразу трапіліся на вочы ахоўніку. Даведаўшыся, дзе блогеры правялі ноч, той звярнуўся ў паліцыю.

Пры ператрусе ў сумцы Куліка быў знойдзены квадракоптар, які ён купіў у ААЭ за свае грошы. Пасля гэтага беларуса і расейца затрымалі, яны тры дні правялі ў камеры. На хлопцаў завялі крымінальную справу за незаконны запуск беспілотніка, цяпер яны застаюцца пад падпіскай аб нявыездзе.

Самі блогеры запэўніваюць, што не запускалі квадракоптар на даху гатэля, бо тады на вуліцы была «пякельная залева» (імаверна, усё адбылося падчас моцных дажджоў і паводкі ў Дубаі ў сярэдзіне красавіка).

Са словаў Радзівона Куліка, іхная справа пакуль нават не дайшла да суда і ўвогуле «нікуды не рухаецца». Хлопцы не могуць пакінуць краіну, пры гэтым у іх заканчваецца віза. Калі тэрмін яе дзеяння скончыцца, за кожны дзень нелегальнага перабывання будзе налічвацца штраф.

Сродкаў да існавання ў блогераў таксама не засталося, а знайсці легальную працу праз крымінальную справу практычна немагчыма.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ