«Белсат» адсочвае ўсе выпадкі рэпрэсіяў, якія адбываюцца ў нашай краіне штодня. І, на вялікі жаль, яны не ідуць на спад.
Сёння стала вядома, што сілавікі прыйшлі да сваякоў вядоўцаў TikTok-акаўнтаў выдання «Зеркало». З усімі запісалі так званыя пакаяльныя відэа. Што да саміх вядоўцаў, то ў дачыненні да іх заведзены шэраг крымінальных справаў, па месцы іх жыхарства праведзеныя ператрусы, а на маёмасць накладзены арышт.
Наталля Левая, затрыманая на мяжы пасля прыезду з Польшчы.
Крыніца: Вясна / Правы чалавека ў Беларусі / Telegram
У Берасцейскім абласным судзе 17 ліпеня вынеслі прысуд Наталлі Левай. Яе асудзілі за данаты па вяртанні з Польшчы, нягледзячы на тое, што ў дзяўчыны была папера ад КДБ аб тым, што яна ўжо сплаціла ў шматкратным памеры «кампенсацыю» за данаты, зробленыя ў 2020 годзе. Суддзя Мікалай Сянько прызначыў дзяўчыне 6 гадоў калоніі агульнага рэжыму.
23 ліпеня пачаўся ў судзе Кастрычніцкага раёна Горадні пачаўся працэс над 25-гадовай айцішніцай Лізаветай Макрыдзінай, якая вярнулася дадому з Польшчы. Дзяўчыну вінавацяць па 342-м артыкуле Крымінальнага кодэксу за ўдзел у паслявыбарчых пратэстах. Ёй пагражае да трох гадоў зняволення.
У Віцебскім абласным судзе пачаўся працэс у рамках спецвядзення над полацкім бізнесменам Уладзімірам Захаравым. Мужчыну абвінавачваюць паводле ч. 3 арт. 243 КК («Ухіленне ад выплаты падаткаў, збораў»), ч. 2 арт. 243-1 КК («Ухіленне ад выканання абавязкаў падатковага агента па пералічэнні падаткаў, збораў»), ч. 1 арт. 243-3 («Ухіленне ад выплаты страхавых узносаў»), арт. 369-1 («Дыскрэдытацыя Рэспублікі Беларусь»).
Сёння стала вядома, што вайсковы эксперт Ягор Лебядок, які адбывае пакаранне ў выглядзе 5 гадоў пазбаўлення волі, правёў у ШІЗА 10 содняў. Як вядома, Ягора абвінавацілі ў садзейнічанні экстрэмісцкай дзейнасці паводле ч. 1 і ч. 2 арт. 361-4 КК за тое, што ён даваў інтэрв’ю «дэструктыўным каналам». Свой тэрмін Лебядок адбывае ў івацэвіцкай калоніі.
Падчас масавага хапуна, які правялі сілавікі ў Баранавічах, было затрымана пяцёра чалавек. Усім ставяць у віну ўдзел у паслявыбарчых пратэстах 9 жніўня 2020 года. Як удалося ўсталяваць «Медыязоне», сярод затрыманых Максім Громаў, Аляксей Пашкевіч і Аліна Сівец.
Раман Шавель belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS