Зарабіць на мігрантах не атрымалася: 23-гадовага беларуса выдварылі з Польшчы ў Беларусь

Грамадзяніна Беларусі затрымалі пры перавозцы мігрантаў на нямецка-польскай мяжы. За дапамогу ў нелегальнай міграцыі на яго завялі справу і выдварылі з краіны, паведаміла 21 траўня Памежная служба Польшчы.

Фота: strazgraniczna.pl

19 траўня сумесны польска-нямецкі патруль памежнікаў спыніў на польска-нямецкай мяжы зарэгістраваны ў Польшчы Opel, кіраваў якім 23-гадовы беларус. Як высветлілася, ён перавозіў нелегальных мігрантаў з Афганістану.

Памежнікі ўбачылі, як з ягонага аўтамабіля выбеглі некалькі мужчын і пабеглі ў бок Нямеччыны. Ім удалося затрымаць аднаго афганца на польскім баку мяжы і яшчэ пяцёх афганцаў – ужо на тэрыторыі Нямеччыны.

У затрыманага ў Польшчы грамадзяніна Афганістану не было дакументаў, якія пацвярджалі б законнасць яго знаходжання ў Польшчы.

Беларуса затрымалі за садзейнічанне ў незаконным перасячэнні мяжы з Беларусі ў Польшчу сама меней шасці замежнікам. Ён прызнаў сваю віну і «скарыстаўся правам добраахвотна пайсці на пакаранне ў выглядзе 10 месяцаў пазбаўлення волі з адтэрміноўкай на два гады выпрабавальнага тэрміну», паведамляе польская памежная служба.

Акрамя гэтага, у дачыненні да беларуса завялі крымінальную справу, у выніку чаго ён мусіў пакінуць тэрыторыю Польшчы ў прымусовым парадку. Яго даставілі да мяжы і перадалі беларускім памежнікам.

Нагадаем, што ў студзені ў Польшчы затрымалі групоўку з 23 чалавек, якія займаліся арганізацыяй незаконнай міграцыі з Беларусі ў Еўразвяз. Сярод затрыманых былі і беларусы.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ