Дачка палітзняволенай Алены Гнаўк была вымушана пакінуць Беларусь

Фонд салідарнасці «BYSOL» абвесціў збор сродкаў для Аляксандры Семянюк, дачкі палітзняволенай Алены Гнаўк. Семянюк трапіла пад палітычна матываваны пераслед і была вымушаная пакінуць Беларусь у красавіку 2024 года.

Аляксандра Семянюк з дзецьмі.

Фота: bysol.org

«Раніцаю 23 студзеня 2024 года я прачнулася ад груку ў дзверы. Для мяне быў шок, калі я зразумела, што да мяне прыйшлі з ператрусам. Канфіскавалі некалькі маміных лістоў, ейны штодзённік і забралі мой тэлефон, а мяне адвезлі на шасцігадзінны допыт у КДБ», – апавядае Аляксандра Семянюк у сваім звароце, апублікаваным «BYSOL».

Жанчына сталася фігуранткаю крымінальнай справы паводле арт. 361 КК («Заклікі да санкцыяў») праз дапамогу, атрыманую ад ініцыятывы «DissidentBy». З гэтым абвінавачаннем ёй пагражала пакараннем тэрмінам ад 2 да 5 гадоў пазбаўлення волі.

«Мяне пасадзілі на трое содняў у ІЧУ, дзе для ўтрымання палітычных створаныя ўмовы, каб зламаць і здушыць чалавека. Увесь гэты час я думала пра маму. Апынуўшыся ў адзіночнай камеры, я сказала пра сябе: «Вы мяне не зламаеце». Гэта дало мне сілы вытрымаць усё, што адбываецца.

З ІЧУ я выйшла з разуменнем, што была вельмі бестурботная ў сваёй краіне, нягледзячы на ​​ўсё тое, што мы прайшлі з мамай. Я зразумела, што ў любы момант мае дзеці могуць застацца без маці. Рашэнне з’яжджаць я прымала цяжка, выплакала процьму слёзаў, але ўсё ж наважылася пакінуць з дзецьмі Беларусь», – кажа Аляксандра.

У красавіку 2024 года Семянюк з траімі дзецьмі пакінула Беларусь. Цяпер сямʼя застаецца ў шэлтары для беларускіх палітычных эмігрантаў і мае патрэбу ў фінансавым падтрыманні, каб аплаціць жытло і набыць прадметы першай неабходнасці.

«Пакуль мы тут адаптуемся, легалізуемся – без сяброў і працы я не разумею, чым і як я буду карміць сваіх дзяцей. Таму я шукаю дапамогу ў кожнага, хто можа зразумець і падзяліць маё становішча і стан!» – адзначаецца ў звароце жанчыны.

Нагадаем, што 23 студзеня па ўсёй Беларусі супрацоўнікі КДБ учынілі масавыя ператрусы, допыты і затрыманні сваякоў і блізкіх палітычных вязняў, а таксама былых палітзняволеных, якія нядаўна выйшлі з месцаў зняволення і заставаліся жыць у краіне. Прычынаю зацікаўленасці КДБ сталася дапамога семʼям палітвязняў ад ініцыятываў, прызнаных экстрэмісцкімі фармаваннямі. Паводле праваабаронцаў, усяго ў межах рэйду сілавікоў пад пераслед трапілі мінімум 165 чалавек.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ