ГУБАЗіК затрымліваў беларуса за пратэсты, а яму прыйшла рассылка ад плану «Перамога»

У канале сілавікоў ГУБАЗіКу з’явілася паведамленне аб затрыманні дырэктара навукова-тэхнічнага цэнтру. Напярэдадні затрымання яму, як пішуць, прыйшло паведамленне ад плану «Перамога». Гэта можа істотна паўплываць на прысуд, сцвярджаюць губазікаўцы. Але пацвярджэнняў іхнай версіі няма. 

Рассылка з чат-боту «Перамога», якая прыйшла затрыманаму.

Фота: скрыншот з відэа ў канале сілавікоў

На відэа, якое з’явілася ў канале, затрыманы кажа, што браў удзел у мітынгах 2020 года, падчас якіх фатаграфаваўся з «забароненай сімволікай» і выходзіў на праезную частку. Таксама ён прызнаецца, што быў падпісаны на «экстрэмісцкія каналы» і, у прыватнасці, запускаў чат-бот «Перамога».

Мужчына кажа на камеру, што ўвечары 21 траўня ў чат-бот «Перамога» яму прыйшла рассылка ад каманды «BYPOL» з прапановай галасаваць за блок Аляксандра Азарава (як пацвярджэнне затрыманы дэманструе экран тэлефона, на якім відаць тэкст рассылкі), а раніцай 22 траўня яго затрымалі працаўнікі міліцыі.

У самім канале асабліва падкрэсліваецца, што першапачаткова да мужчыны прыйшлі за «перакрыццё дарог», што магло б зрабіцца падставай для асуджэння яго на 2 гады «хатняй хіміі», але цяпер за ўдзел у плане «Перамога» яму можа быць выстаўленае абвінавачанне паводле арт. 361 ч. 1 («Стварэнне экстрэмісцкага фармавання або ўдзел у ім»), што можа ў сукупнасці скласці да 5 гадоў зняволення.

Ці праўдзівыя гэтыя звесткі, праверыць цяжка.

Нагадаем, што 21 траўня, людзі, калісьці зарэгістраваныя ў плане «Перамога», атрымалі рассылку з заклікам прагаласаваць за лідара спісу № 5.

За гэта былога кіраўніка арганізацыі «BYPOL» Аляксандра Азарава пазбавілі доступу да чат-боту плана «Перамога». Так лідарка дэмакратычных сілаў Беларусі Святлана Ціханоўская пракаментавала «Зеркалу» інцыдэнт.

Раман Шавель belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ