Генштаб Польшчы абвінаваціў Беларусь і Расею ў намеры зганьбіць Варшаву

На мінулым тыдні Беларускае Агенцтва тэлевізійных навінаў паказала фільм «Нелюдзі», у якім, нібыта з першых вуснаў, было расказана, як польскія памежнікі здзекуюцца з мігрантаў. Генштаб Польшчы расцэньвае гэта як ціск службаў Беларусі праз выкарыстанне міграцыі, скіраваную на ўзмацненне сацыяльнай палярызацыі і дэманізацыю польскага «мундзіру».

Ілюстрацыйнае фота.

Крыніца: Белсат

Ведамства зазначае, што «расейска-беларускі прапагандысцкі апарат распрацоўвае дэзынфармацыю наконт адказнасці Польшчы за сітуацыю на польска-беларускай мяжы, каб стварыць наратыў пра набліжэнне польскіх войскаў да мяжы Беларусі і Расеі», а «Беларусь распаўсюджвае дэзынфармацыю пра польскую армію, каб стварыць так званы сіндром абложанай крэпасці, перадае «Позірк».

«У вачах заходняга грамадства мы мусім быць не толькі бесчалавечнай, але і агрэсіўнай дзяржавай у адносінах да Расеі і Беларусі. Гэтыя аперацыі, накіраваныя на заходнюю грамадскасць, закліканыя зганьбіць Польшчу і зрабіць наш вобраз агідным і негатыўным», – гаворыцца ў заяве Генеральнага штабу Польшчы ў сацсетцы Х ад 29 ліпеня.

Нагадаем, міграцыйны крызіс на мяжы Беларусі і Еўразвязу трывае з вясны 2021 года.

24 ліпеня Сенат Польшчы ўхваліў урадавы законапраект, які выключае крымінальную адказнасць за выкарыстанне вайскоўцамі  зброі або сродкаў адкрытага прымусу, калі яны выкарыстоўваліся «ў мэтах адбіцця непасрэднага замаху на жыццё, здароўе або свабоду гэтай вайсковай ці іншай асобы, а таксама супрацьстаяння дзейнасці, што вядзе да нападу».

Тым жа днём занепакоенасць у сувязі з гэтым законапраектам выказаў камісар у справе правоў чалавека Рады Еўропы Майкл О’Флээрці.

Надзея Вольная belsat.eu 

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ