Суддзя Вярхоўнага суда Таццяна Васілевіч вырашыла, што суд першай інстанцыі слушна прыгаварыў барысаўскага фатографа і відэааператара-фрылансера Аляксандра Зянкова да трох гадоў пазбаўлення волі з адбыццём у папраўчай калоніі ва ўмовах агульнага рэжыму. Пра гэта паведамілі ў Беларускай асацыяцыі журналістаў.
Аляксандр Зянкоў.
Фота: spring96.org
Вярхоўны суд пакінуў ягоную апеляцыйную скаргу без задавальнення, а ранейшае судовае рашэнне – без зменаў.
Аляксандр Зянкоў працаваў у Барысаве фатографам. Таксама здымаў дакументальныя стужкі, супрацоўнічаў з незалежнымі выданнямі ў якасці фрылансера. Некалькі разоў яго за гэта затрымлівала міліцыя.
У чарговы раз Зянкова затрымалі 22 чэрвеня 2023 года ўдома ў Барысаве. Пасля ператрусу яго павезлі ў Менск і 10 дзён трымалі ў ізалятары часовага ўтрымання на Акрэсціна. У гэты час яго абвінавацілі ў спрыянні дзейнасці экстрэмісцкага фармавання за відэаздымкі, паказаныя на «экстрэмісцкім» інтэрнэт-рэсурсе. Доказы гэтага нібыта знайшлі ў канфіскаванай у яго тэхніцы. Затым Зянкова перавялі ў СІЗА № 1 у Менску.
30 студзеня 2024 года суддзя Менскага гарадскога суда Жанна Брысіна прызнала Зянкова вінаватым ва ўдзеле ў «экстрэмісцкім фармаванні» (частка 3 артыкула 361-1 Крымінальнага кодэксу) і прысудзіла яму тры гады калоніі.
Праваабарончая супольнасць прызнала журналіста палітычным вязнем.
Цяпер журналіста ўтрымліваюць у магілёўскім СІЗА, і там ён, найхутчэй, будзе знаходзіцца да адпраўкі на месца адбывання прысуду. За кратамі Зянкоў ужо амаль 10 месяцаў.
Якуб Хруст belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS