Вялікая Брытанія павялічыць падтрыманне Украіны

Прэм’ер-міністр Вялікай Брытаніі Рышы Сунак абвесціць павелічэнне падтрымання Украіны на 617 мільёнаў долараў падчас візіту ў Польшчу 23 красавіка, піша «Reuters».

Здымак мае ілюстрацыйны характар. Рышы Сунак і Уладзімір Зяленскі.

Фота: president.gov.ua

«Абарона Украіны ад жорсткіх амбіцыяў Расеі жыццёва важная для нашае бяспекі і для ўсяе Еўропы. Калі Пуціну дазволяць атрымаць поспех у гэтай агрэсіўнай вайне, ён не спыніцца на польскай мяжы», – гаворыцца ў заяве Сунака.

У пакет дапамогі ўвойдзе абсталяванне, у тым ліку больш за 1600 ударных і зенітных ракетаў і амаль 4 мільёны патронаў для стралковай зброі, каля 400 транспартных сродкаў, 60 лодак і катараў.

«Збройныя сілы Украіны працягваюць адважна змагацца, але ім патрэбнае нашае падтрыманне – і патрэбнае яно цяпер. Сённяшні пакет дапаможа забяспечыць Украіну ўсім неабходным, каб даць адпор Расеі», – сказаў Сунак перад візітам.

З пачатку вайны Вялікая Брытанія актыўна падтрымлівае Украіну. Агульны абʼём вайсковай дапамогі ад Лондану ў гэтым 2024 фінансавым годзе ўжо склаў каля 3,7 мільярдаў долараў.

Напярэдадні Палата прадстаўнікоў Кангрэсу ЗША ўхваліла пакет дапамогі Украіне на 61 мільярдаў долараў.

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ