Ва ўсе населеныя пункты Гомельскай вобласці далі электрычнасць пасля ўрагану, які быў тыдзень таму

У Гомельскай вобласці далі электрычнасць у апошні населены пункт, дзе былі перабоі з-за ўрагану 14 ліпеня. Ва ўсе населеныя пункты электраэнергію вярнулі да паўночы 21 ліпеня, аднак частка яе пакуль паступае ад дызель-генератараў. Пра гэта паведамляе Мінэнерга. Таксама асобныя дамы ўсё яшчэ без электрычнасці.

Лініі электраперадачы(ЛЭП) на заходзе.

Фота: Белсат

А 23:48 21 ліпеня электраэнергія пайшла ў вёску Старая Рудня. Гэта апошняе месца, дзе фіксаваліся парушэнні, але не было электрычнасці. Працягваюцца работы па пераводзе населеных пунктаў, якія падключаныя ад дызель-генератараў, у штатны рэжым электразабеспячэння, адзначае Мінэнерга.

Паводле тэлеграм-канала «Гомельщина официально», раніцай 22 ліпеня 61 населены пункт падлучаны пакуль да дызель-генератараў.

«Не падлучанымі да сеткі на месцах застаюцца толькі асобныя домаўладання, гэта аператыўна вырашаецца. Магчымыя таксама адключэння там, дзе электразабеспячэнне адноўлена, – на гадзіну ці паўтара. Грамадзяне павінны з разуменнем да гэтага ставіцца», – пішуць у тэлеграм-канале гомельскія чыноўнікі.

Той жа канал паведаміў 21 ліпеня, што працягваецца праца па ліквідацыі наступстваў непагадзі. Прычым у гэтым задзейнічаны не толькі спецыялісты, але і добраахвотнікі.

«Каля 24 тысяч добраахвотнікаў працягваюць спілоўваць дрэвы, разбіраць завалы галінак, добраўпарадкоўваць паркі, скверы і двары шматкватэрных дамоў. Гледзячы на дарослых, да дапамогі ў расчыстцы населеных пунктаў падключаюцца дзеці», – піша «Гомельщина официально».

Падобная практыка і ў Менскім раёне. Прэс-служба МУС распавяла, што там з наступствамі непагадзі разбіраюцца ўнутраныя войскі.

Унутраныя войскі разбіраюцца з наступствамі непагадзі.

Фота: МВД Беларуси / Telegram

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ