Вечарам 19 ліпеня ва Львове невядомы стрэліў у былую дэпутатку Вярхоўнай рады Ірыну Фарыён, яна памерла ў лякарні. Паліцыя распачала крымінальную справу, але падазраваных пакуль няма.
Ірына Фарыён. 16 траўня 2014 года.
Фота: ВО Свобода / Wikimedia, CC BY 3.0
Паводле паліцыі Львоўскай вобласці, 19 ліпеня каля 19:30 на адной з вуліц Львова невядомы стрэліў у Ірыну Фарыён, трапіў у галаву.
Жанчыну даставілі ў лякарню ў крытычным стане. Як напісаў мэр Львова Андрэй Садовы, медыкі зрабілі ўсё магчымае, але раненне было несумяшчальным з жыццём.
Ірыне Фарыён было 60 гадоў. Яна нарадзілася ва Львове, была мовазнаўцай і прафесаркай Львоўскай палітэхнікі, сябрам КПСС у савецкі час, але ў незалежнай Украіне ўвайшла ў правую партыю «Свобода», была дэпутаткай Вярхоўнай рады ў 2012–2014 гадах, затым актыўна выступала ў медыях, вяла свае перадачы на тэлебачанні і ў YouTube.
Хто забіў дэпутатку, пакуль невядома. Злачынства кваліфікавалі як «наўмыснае забойства» – ч. 1 арт. 115 КК Украіны, забойцы пагражае да 15 гадоў пазбаўлення волі.
Прэзідэнт Украіны Уладзімір Зяленскі пісаў, што пра расследаванне яму аператыўна справаздачыцца міністр унутраных справаў і кіраўнік Службы бяспекі Украіны, задзейнічаныя ўсе неабходныя сілы.
«Відавочна, што любы гвалт заслугоўвае толькі асуджэння, і той, хто вінаваты ў гэтым нападзе, мае панесці поўную адказнасць», – напісаў Зяленскі пра замах на ягоную праціўніцу, калі за жыццё той яшчэ змагаліся лекары.
Міністр унутраных справаў Ігар Кліменка расказаў, што асноўныя версіі – асабістая непрыязнасць, грамадска-палітычная дзейнасць Фарыён і забойства на замову. Не выключаны расейскі след.
Фарыён была вядомая найперш шматлікімі скандаламі, публічнымі сваркамі і абразамі. Яны былі звязаныя, напрыклад, з адмаўленнем ўдзелу ў КПСС, статусам украінскай мовы ва Украіне, выкарыстаннем расейскай мовы ўкраінскімі вайскоўцамі і расейскіх формаў імёнаў дзецьмі ў дзіцячых садках, абвінавачаннем жыхароў усходу Украіны ў нападзе Расеі на іх, пажаданнямі смерці розным людзям і радасцю з забойстваў іншых, абразай выбарнікаў, якія галасавалі за Зяленскага, сумнеўнымі выказваннямі пра выбарнікаў сваёй партыі…
У лістападзе 2023 года Фарыён звольнілі са Львоўскай палітэхнікі праз пратэсты студэнтаў у сувязі з ейнымі абразамі ўкраінскіх расейскамоўных вайскоўцаў, у лютым 2024 года суд адмовіў ёй у аднаўленні на пасадзе.
Hавiны
Памёр казахстанскі апазіцыйны журналіст, на якога здзейснілі замах у Кіеве
2024.07.02 17:33
Алесь Наваборскі belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS