Беларусь і Расея плануюць падпісаць дамову аб гарантыях бяспекі

На Пецярбургскім міжнародным эканамічным форуме намеснік міністра замежных спраў Расеі Міхаіл Галузін заявіў, што ў снежні Менск і Масква плануюць падпісаць дамову аб гарантыях бяспекі. Пра гэта паведамляе ТАСС.

Сцягі Расеі і Беларусі ля дому Масквы. Менск, Беларусь. 7 верасня 2021 года.

Фота: Белсат

«Вялікую ўвагу мы ўдзяляем пытанням забеспячэння бяспекі Саюзнай дзяржавы, каардынуючы распрацоўку двухбаковай міждзяржаўнай дамовы аб узаемных гарантыях у гэтай сферы і аказваючы садзейнічанне нашым саветам бяспекі ў працы над Канцэпцыяй бяспекі Саюзнай дзяржавы.

Разлічваем на адначасовае прыняцце гэтых дакументаў у ходзе снежаньскага пасяджэння Найвышэйшага дзяржаўнага савету, прымеркаванага да 25-годдзя нашага аб’яднання», – заявіў намеснік міністра замежных спраў Расеі Міхаіл Галузін.

Прадстаўнік МЗС РФ не патлумачыў, у чым сэнс новай дамовы.

У красавіку 2023 году Аляксандр Лукашэнка заявіў: яму патрэбныя гарантыі, што ў выпадку агрэсіі Расейская Федэрацыя будзе абараняць Беларусь як уласную тэрыторыю. Пры гэтым ён не патлумачыў канкрэтна, як павінны выглядаць гэтыя гарантыі з юрыдычнага пункту гледзішча, але узгадаў прапанову Уладзіміра Пуціна на гэта конт: «Нам трэба прарэвізаваць усе нашы дамовы і пагадненні – Беларусі і Расеі, – паглядзець, які нарматыўны прававы акт міждзяржаўнага характару трэба прыняць зараз, каб гарантаваць поўную бяспеку Беларусі».

Пры гэтым Расея і Беларусь і так ужо маюць узаемныя абавязкі ў вайсковай сферы. Напрыклад, пункце 20 супольнай ваеннай дактрыны Саюзнай дзяржавы гаворыцца, што «дзяржавы-ўдзельніцы разглядаюць любыя дзеянні з выкарыстаннем ваеннай сілы, накіраваныя супраць любой з дзяржаваў-удзельніц, як замах на Саюзную дзяржаву ў цэлым і будуць рабіць адпаведныя захады ў адказ з выкарыстаннем усіх сілаў і сродкаў у іх распараджэнні». Аналагічныя абавязкі замацаваныя ў дамове АДКБ.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ