Беларусь хоча пабудаваць у Казахстане тры заводы. Расказваем – якія

Беларусь збіраецца рэалізаваць тры сельскагаспадарчыя праекты ў Казахстане. Гэта будуць новыя заводы для аграпрамысловага сектару, паведамляе агенцтва «АПК Навіны».

Здымак носіць ілюстрацыйны характар. Камбайны на полі ў Лагойскім раёне збіраюць зерневыя. Менская вобласць, Беларусь. 23 ліпеня 2021 года.

Фота: Белсат

На прадпрыемстве, якое пабудуюць у Кастанайскай вобласці, будуць вырабляць кабіны для сельскагаспадарчай тэхнікі.

У Акмалінскай вобласці Казахстана адкрыюць завод па вытворчасці сеялак.

Яшчэ адну вытворчую лінію арганізуюць у Кызылардынскай вобласці. Там будуць выпускаць трактары і камбайны.

Раней прэм’ер-міністры дзвюх краін пры сустрэчы восенню 2023 года заяўлялі, што ў Казахстане ёсць вялікі патэнцыял для сумесных з Беларуссю праектаў па вытворчасці сельгастэхнікі.

Але ці варта Казахстану звязвацца з беларускай вытворчасцю? Апошнім часам карцінка ахопленага агнём ці задымленага беларускага аўтобуса не рэдкасць, у тым ліку ў Расеі. Першыя выпадкі ўзгарання аўтобусаў МАЗ адбыліся яшчэ напрыканцы 2022 года. Інцыдэнты з менскай тэхнікай фіксаваліся ў Саратаве, Казані, Пермскім краі, Салехардзе, Іжэўску, а ў Пецярбурзе аўтобусы наогул здымалі з маршрутаў праз частыя пажары.

На МАЗе нядаўна прызналі, што ўзгаранні аўтобусаў – наступства санкцыяў. Ці будуць гарэць камбайны і сеялкі ў Казахстане – пакажа час.

Выглядае, Беларусь і Казахстан пашыраюць супрацу і ідуць на пэўныя саступкі. Так, у сакавіку прыпынілася так званая «транспартная вайна» паміж дзвюма краінамі: напрыканцы 2023 года фуры і прычэпы з гэтых краінаў сутыкнуліся з забаронамі на працу адно ў аднаго. 5 сакавіка на Нацыянальным прававым партале Беларусі была апублікаваная пастанова Міністэрства транспарту і камунікацыяў ад 16 лютага № 8. Згодна з ёю грузавыя аўтамабілі і цягачы, зарэгістраваныя ў Казахстане, Кыргызстане і Арменіі, атрымалі дазвол на ўезд у транспартна-лагістычныя цэнтры (ТЛЦ) каля беларускай мяжы з Еўразвязам. Паводле пастановы ад 21 лістапада 2023 года № 44, такое права было толькі ў фураў і прычэпаў, зарэгістраваных у Беларусі і Расеі.

Акрамя гэтага, Аляксандр Лукашэнка вельмі хоча выпускаць самалёты разам з Расеяй – ён пра гэта казаў і абяцаў, што на тэрыторыі нашай краіны будзе створаная авіяцыйная вытворчасць.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ