Беларусь заняла 76-е месца са 190 у рэйтынгу «Найбагацейшыя краіны свету 2024» часопісу «Global Finance». Расказваем, як Беларусь выглядае на фоне суседзяў і якія краіны самыя багатыя.
Здымак мае ілюстрацыйны характар.
Фота: Белсат
Дадзеныя рэйтынгу адлюстроўваюць сітуацыю на пачатак 2024 года. Месцы надаваліся ў залежнасці ад памеру ВУП паводле парытэту пакупніцкай здольнасці (ППЗ) на душу насельніцтва. Гэты паказнік пазначае кошт усіх канчатковых тавараў і паслуг, што вырабіў у сярэднім адзін жыхар краіны за год.
ВУП паводле парытэту пакупніцкай здольнасці на душу насельніцтва ў Беларусі ў 2023 годзе склаў $ 25 685. Гэта значна менш, чым амаль ва ўсіх суседзяў.
Напрыклад, Літва заняла ў рэйтынгу 41-е месца. Яе ВУП паводле ППЗ склаў $ 50 600. Польшча на 43-м месцы. Яе вынік за мінулы год – $ 49 060. Расея апынулася на 60-м месцы. Там ВУП паводле ППЗ склаў $ 38 292. Ніжэйшая за Беларусь у рэйтынгу толькі Украіна – 110-е месца з паказнікам $ 15 464.
Самай багатай краінай у свеце стаў Люксембург з ВУП паводле ППЗ $ 143 743. Гэта ў 5,6 разу больш, чым у Беларусі. Другое месца займае спецыяльны адміністрацыйны раён Кітаю Макаў ($ 134 141). На трэцім – Ірландыя ($ 133 895). За імі Сінгапур ($ 133 737) і Катар ($ 112 283).
«Паводле звестак Міжнароднага валютнага фонду (МВФ), у 10 самых бедных краінах свету сярэдняя пакупніцкая здольнасць на душу насельніцтва складае менш за 1500 долараў, а ў 10 найбагацейшых – больш за 110 000 долараў», – адзначаюць аўтары рэйтынгу.
Самай беднай краінай у свеце стаў Паўднёвы Судан ($ 455).
Таксама пры разглядзе рэйтынгу трэба ўлічваць папярэджанне МВФ, што некаторыя краіны выкарыстоўваюцца як «падатковыя прытулкі». Звычайна гэта невялікія краіны з нізкімі падаткамі або падатковымі льготамі. Туды бізнесы з іншых краінаў імкнуцца вывесці грошы, каб плаціць менш падаткаў або зусім схавацца ад падаткаў з дапамогай шэрых схемаў.
«Іх багацце [падатковых прытулкаў. – Рэд] першапачаткова было створанае ў іншым месцы, што штучна завышае іх ВУП. Хоць у 2021 годзе больш за 130 урадаў падпісалі глабальнае пагадненне наконт таго, каб буйныя кампаніі плацілі мінімальны падатак 15 % (гэтае пагадненне дагэтуль не зрэалізаванае праз процідзеянне заканадаўцаў і палітыкаў у многіх з іх). Крытыкі сцвярджаюць, што гэтая стаўка крыху вышэйшая, чым у такіх падатковых гаванях, як Ірландыя, Катар і Макаў.
Паводле ацэнак, больш за 15 % сусветных юрысдыкцыяў ёсць падатковымі прытулкамі, а МВФ падлічыў, што да канца 2020-х гадоў каля 40 % глабальных плыняў непасрэдных замежных інвестыцыяў могуць быць абумоўленыя тактыкай ухілення ад падаткаў, у параўнанні з 30 % у 2010-х гадах. Іншымі словамі, гэтыя інвестыцыі праходзяць праз пустыя карпарацыйныя абалонкі і не прыносяць практычна ніякай эканамічнай выгады насельніцтву тых краінаў, дзе гэтыя грошы апынаюцца», – пішуць аўтары рэйтынгу.
Арсен Рудэнка belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS