Алеся Бяляцкага пазбавілі перадач, суд за дапамогу і затрыманне за тату. Хроніка рэпрэсіяў

У Беларусі чацверты год трываюць масавыя палітычныя рэпрэсіі. «Белсат» распавядае пра арышты і суды за 2 ліпеня.

Радыё «Свабода» паведаміла, што ў красавіку-траўні палітвязня Алеся Бяляцкага вярнулі з ПКТ горацкай калоніі ў атрад, але адміністрацыя па-ранейшаму ставіцца да Нобэлеўскага лаўрэата звышпільна.

«Ведаем, што ён зноў ходзіць на працу, на дрэваапрацоўку. Бывае, што на яго накладаюць спагнанні, пазбавілі перадач, бываюць і больш сур’ёзныя пакаранні – неяк сядзеў у ШЫЗА. Увага да яго пасля вяртання з ПКТ не стала слабейшай», – паведаміла крыніца выдання.

Ёсць звесткі, што Алесь Бяляцкі не атрымлівае карэспандэнцыі ад сваякоў і сяброў і што ніводнага разу ў палітвязня не было відэазванкоў са сваякамі. Толькі зрэдку на волі ад яго атрымліваюць лісты і паштоўкі. Пра стан здароўя Бяляцкага новай інфармацыі няма.

Паводле ПЦ «Вясна», у Горадні за ўдзел у пратэстах судзяць адразу трох чалавек: Глеба Чарвякова, Паўла Кебіча і Эдуарда Малмыгу. Іх абвінавачваюць паводле ч. 1 арт. 342 Крымінальнага кодэкса («Актыўны ўдзел у дзеяннях, што груба парушаюць грамадскі парадак»). Вядома, што Паўла Кебіча затрымалі ў сакавіку, калі той вярнуўся з Польшчы. Затрыманне ажыццяўлялася сілавікамі наўпрост на вуліцы горада.

У Берасцейскім абласным судзе 2 ліпеня пачаўся разгляд крымінальнай справы палітзняволенай Ірыны Бандарэнкі, якую абвінавачваюць па двух частках арт. 361-4 КК («Садзейнічанне экстрэмісцкай дзейнасці»). Паводле «Берасцейскай Вясны», Ірына Бандарэнка працяглы час рабіла невялікія грашовыя пераводы зняволеным, а таксама насіла перадачы ў СІЗА-7. Праз гэта да яе ўжо доўгі час была асаблівая ўвага сілавікоў, жанчыну неаднаразова затрымлівалі (сакавік і лістапад 2023 года). А ў канцы красавіка 2024 года Ірыну змясцілі пад варту да суда.

Стала вядома, што палітвязень Ігар Аліневіч ужо тыдзень знаходзіцца не ў турме ў Жодзіне, а ў шпіталі для вязняў ў Калядзічах. Што з ім здарылася, чаму палітвязня шпіталізавалі – пакуль невядома.

Падкантрольныя спецслужбам Telegram-каналы паведамілі пра затрыманне фаната футбольнага клуба «Шахцёр». Прычына пераследу – татуіроўка «АСАВ». Праваабаронцы заўважылі цікавую дэталь: сілавікі прыехалі затрымліваць фаната на бусіку з расейскімі нумарамі.

«Экстрэмісцкімі матэрыяламі» прызналі блог у LiveJournal «За свой город». Адпаведнае рашэнне прынятае судом Пінскага раёну 27 чэрвеня. Гэты блог належыць берасцейскаму аддзяленню БСДП і апошні матэрыял у ім быў апублікаваны напрыканцы 2021-га году.

Праваабарончы канал «MAYDAY.TEAM» паведамляе пра паборы ў гомельскай жаночай калоніі. З асабістых рахункаў асуджаных спісваюць грошы на «гаспадарчы інвентар і рамонт», сумы даходзяць да 200 рублёў. Дзеля гэтага зняволеных змушаюць пісаць заявы пра добраахвотнасць унёску.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ