Аб’ём грашовых пераводаў з Беларусі скараціўся на траціну ў першым квартале

Абʼём грашовых пераводаў з Беларусі знізіўся ў першым квартале 2024 года на 32 % у параўнанні з чацвёртым кварталам 2023 года. Гэта звязана з санкцыямі. Такія высновы робіць праект «Вашы грошы», спасылаючыся на звесткі Нацыянальнага банку. Пераводы ў краіну скараціліся прыкладна на 1 %.

Мужчына здымае наяўныя грошы ў банкамаце. Менск, Беларусь. 25 ліпеня 2022 года.

Фота: Белсат

У студзені – сакавіку абʼём пераводаў, якія былі адпраўленыя з Беларусі праз міжнародныя сістэмы грашовых пераводаў, склаў $12 млн супрць $ 17,7 млн у папярэднім квартале. У Беларусь было адпраўлена $ 35,3 млн (у чацвёртым квартале 2023 года было $35,8 млн).

«На зніжэнні пераводаў адбіліся як санкцыйныя абмежаванні, з якімі сутыкаецца большасць беларускіх банкаў, так і сыход з краіны большасці буйных сістэм пераводаў. У цяперашні момант у Беларусі працуе ўсяго тры сістэмы міжнародных грашовых пераводаў: “Юнистрим” (Расія), “Залатая Карона” (Расія), “Money Gram” (ЗША). Але нават яны працуюць з абмежаваным лікам банкаў, ад двух (“MoneyGram” працуе з “Тэхнабанкам” і “БТА Банкам”) да чатырох (“Залатая Карона” працуе з “РРБ-банкам”, “БСБ банкам”, “Тэхнабанкам”, “БТА Банкам”)», – пішуць «Вашы грошы».

Сярэдні памер аднаго грашовага пераводу з Беларусі склаў $511, а ў краіну – $469.

Звесткі аб грашовых пераводах з Беларусі і ў Беларусь.

Інфаграфіка: «Вашы грошы»

«Сярэднія памеры пераводаў у пачатку 2024 года знаходзяцца на павышаным узроўні. Раней аналагічныя значэнні назіраліся ў сярэдзіне 2022 года, але пасля рэзка скараціліся. Таму, калі параўноўваць першы квартал 2024 года з першым кварталам 2023 года, сярэдні памер аднаго пераводу з краіны вырас у 2,4 разы, а сярэдні памер пераводу ў краіну павялічыўся ў 1,7 разы», – заключаюць «Вашы грошы».

Арсен Рудэнка belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ