Італьянская паліцыя курортнага гораду Ёзалё, што на ўзбярэжжы Венецыянскай затокі ў Адрыятычным моры, затрымала беларуса, які быў абвешчаны ў вышук у Беларусі.
Здымак мае ілюстрацыйны характар.
Фота: questure.poliziadistato.it
Паводле паведамлення мясцовай паліцыі, мужчыну вылічылі ў рамках інтэнсіфікацыі кантрольных дзеянняў, што праводзяцца праваахоўнымі органамі ў горадзе з прычыны вялікага наплыву турыстаў у летнія месяцы.
Падрабязных звестак пра тое, як завуць беларуса і за што канкрэтна яго затрымалі, у паведамленні паліцыі не прыводзіцца. Вядома, што ўлады Беларусі абвесцілі яго ў вышук з мэтай экстрадыцыі, бо на радзіме мужчына мае адбыць пакаранне ў выглядзе сямі гадоў пазбаўлення волі за ўхіленне ад выплаты падаткаў.
Інфармацыі пра тое, ці дэпартавалі беларуса з Італіі, пакуль няма.
Нагадаем, што ўлады Беларусі часта абвяшчаюць палітычных актывістаў у вышук, ставячы ім у віну нібыта эканамічныя злачынствы. Гэтак, напрыклад, быў затрыманы беларускі журналіст і рэжысёр, палітычны актывіст Андрэй Гнёт, якога называюць сузаснавальнікам Свабоднага аб’яднання спартоўцаў «SOS-BY», прызнанага «экстрэмісцкім фармаваннем» у 2022 годзе.
Яго затрымалі ў Сербіі яшчэ летась у кастрычніку на запыт рэжыму Лукашэнкі, які абвесціў яго ў вышук на падставе справы аб падатках. Адвакаты кажуць, што гэта палітычна матываваны пераслед, а на радзіме Гнёта могуць чакаць катаванні. Суд першай інстанцыі пастанавіў экстрадаваць мужчыну ў Беларусь, аднак апеляцыйны суд скасаваў гэтую пастанову і накіраваў справу на новы разгляд. 19 ліпеня сталася вядома, што Інтэрпол выкрасліў Гнёта са свайго чырвонага спісу.
Раман Шавель belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS