Nojgryfniyjszy jes Dziyń Matki. U jednych Mama, Matusia, Mamulka i Mamusia, u inkszych Mutter i Mutti, a nawet Maminka

Te świynto mo dwa „miana” (nazwy) i świycke to Zielone Świontki. Ale i tak nojgryfniyjszy jes Dziyń Matki. U jednych Mama, Matusia, Mamulka i Mamusia, u inkszych Mutter i Mutti, a nawet Maminka. A wszyndzie ta, kero „przaje” (kocha).

Niykerzi godali do ni za dwoje – wy, a nawet za troje – łoni. Mamulka to nojlepsze, co nom sie mogło w życiu przitrefić. Zawdy była przi nos i przoła nom nojbarzi na świecie. I nawet na staroś, z „glacom” (łysiną), „gybisym” (sztuczną szczęką) i „krykom” (laską), łostanymy jeji cerami i synkami. Za bajtla nigdy niy poradziyłach spokopić, że moja Mamulka tyż była bajtlym. Jak my łoglondali fotoalbumy toch sie dziwowała, że tyn mały „szkot” (żartobliwe określenie dziecka) z „pińciom” (tyż „myjnom” – grzywką) to łona.

Zgłoś naruszenie/Błąd