Санкцыі супраць уладаў і дапамога беларусам: Ціханоўская сустрэлася з кіраўніком МЗС Партугаліі

Святлана Ціханоўская заклікала міністра замежных справаў Партугаліі «рабіць санкцыі эфектыўнымі супраць рэжыму» і пры гэтым дапамагаць беларусам і не ізаляваць іх. Гаворка пра гэта вялася на сустрэчы абранай прэзідэнткі з Паўлу Ранжэлам у Порту, паведаміў Офіс Ціханоўскай.

Абраная прэзідэнтка Беларусі і міністр замежных справаў Партугаліі Паўлу Ранжэл. Порту, Партугалія. 29 траўня 2024 года.

Фота: Офіс Святланы Ціханоўскай

Адной з тэмаю перамоваў з міністрам замежных справаў Партугаліі Паўлу Ранжэлам былі санкцыі супраць беларускіх калійных угнаенняў.

«Святлана Ціханоўская заклікала з аднаго боку рабіць санкцыі эфектыўнымі супраць рэжыму, сінхранізаваць іх і закрыць шчыліны, а з другога боку – не ізаляваць беларусаў, а дапамагаць ім», – падкрэслівае Офіс абранай прэзідэнткі.

Акрамя таго, абраная прэзідэнтка папрасіла ўладкаваць справы з легалізацыяй беларусаў, якія жывуць у Партугаліі, і беларускіх кампаніяў, што рэлакаваліся туды праз рэпрэсіі на радзіме. Цяпер у Партугаліі жывуць 1400 беларусаў.

Лідарка звярнула ўвагу на тое, што неабходна захаваць мабільнасць беларусаў, каб яны мелі магчымасць выязджаць у ЕЗ.

Абраная прэзідэнтка Беларусі і міністр замежных справаў Партугаліі Паўлу Ранжэл. Порту, Партугалія. 29 траўня 2024 года.

Фота: Офіс Святланы Ціханоўскай

Ціханоўская і Ранжэл абмеркавалі ідэю канферэнцыі аб пераходзе ад дыктатуры да дэмакратыі – Партугалія мае адпаведны досвед:

«Ціханоўская прапанавала міністру, каб такая канферэнцыя прайшла ў Партугаліі, дзе было б добра сабраць і беларускіх, і міжнародных экспертаў і абмеркаваць, напрыклад, пытанне аднаўлення законнасці, пераходнай справядлівасці, аднаўлення дэмакратычных інстытутаў».

Абраная прэзідэнтка таксама заклікала працягваць падтрыманне Украіны і дэмакратычнай Беларусі. «Размаўлялі таксама пра супрацу з краінамі Глабальнага Поўдня, бо Партугалія мае вялікі ўплыў на партугаламоўныя краіны ў Паўднёвай Амерыцы і Афрыцы», – адзначаецца ў паведамленні.

Паўлу Ранжэл запэўніў у поўным падтрыманні дэмакратычных сілаў Беларусі. Ці даў дыпламат якія-кольвек абяцанні, не ўдакладняцца.

Абраная прэзідэнтка Беларусі і колішні кіраўнік Еўракамісіі Жузэ Мануэл Барозу. Порту, Партугалія. 28 траўня 2024 года.

Фота: Офіс Святланы Ціханоўскай

Падчас візіту ў Партугалію Ціханоўскую прыняў і колішні кіраўнік Еўракамісіі, а цяпер – старшыня канферэнцыі «Concordia» Жузэ Мануэл Барозу. Яны абмеркавалі супрацу з краінамі Глабальнага Поўдня, а таксама падтрыманне беларусаў, якія апынуліся ў выгнанні без пашпартоў і іншых дакументаў, магчымыя дзеянні міжнародных арганізацыяў у справе палітвязняў і інструменты ціску на рэжым.

Сцяпан Кубік belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ