Магутная ўспышка адбылася на Сонцы раніцай 8 траўня. Сіла выбліску стала максімальнай, што прывядзе да моцных магнітных бур, паведамляе Лабараторыя сонечнай астраноміі ІКД і ІСЗФ. Наступствы мы адчуем толькі праз некалькі дзён, таму можна падрыхтавацца.
Людзі глядзяць на захад сонца на менскім моры. Менск, Беларусь. 3 жніўня 2023 года.
Фота: Белсат
Эксперты адзначаюць, што пік касмічнай актыўнасці чакаецца 11 траўня, з-за чаго адбудуцца моцныя магнітныя буры. Акрамя таго, што яны паўплываюць на сістэмы сувязі і спадарожнікавую навігацыю, да цяжкасцяў таксама варта прыгатавацца метэазалежным людзям.
Магнітныя буры могуць аказваць негатыўны ўплыў на самаадчуванне некаторых людзей, асабліва тых, хто пакутуе ад сардэчна-судзістых, нервовых ці псіхічных захворванняў.
Сімптомы пры магнітных бурах ва ўсіх людзей розныя, але часцей за ўсё сустракаюцца такія:
- галаўны боль;
- галавакружэнне;
- павышэнне ціску;
- агульная слабасць;
- боль у цягліцах і суставах;
- ламота касцей;
- парушэнне сну;
- трывожнасць.
Каб зменшыць негатыўнае ўздзеянне магнітных бур на арганізм, рэкамендуецца выконваць некаторыя правілы. Напрыклад, карысна гуляць на свежым паветры, рабіць лёгкія фізічныя практыкаванні (ранкам зарадку), праветрываць памяшканне і асвойваць прыёмы дыхальнай гімнастыкі.
Дактары раяць прыбраць з рацыёну тлустыя і смажаныя стравы, дадаць больш свежай садавіны і гародніны. Пажадана выключыць курэнне, ужыванне алкаголю і энергетыкаў, а таксама абмежаваць каву і крэпкі чай.
Таксама трэба піць больш вады, каб пераадолець загусценне крыві, пазбягаць стрэсу, пераахаладжэння і перагрэву.
Вельмі важна выконваць рэжым сну (мінімум 8 гадзін) і адпачынку.
Перад пачаткам магнітнай буры можна выпіць таблетку асперыну. Калі ў вас ёсць хранічныя захворванні, лекі абавязкова павінны быць пад рукой.
Ася Саковіч belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS