Пракуратура польскага горада Астраленка адправіла ў раённы суд справу супраць грамадзяніна Беларусі. Мужчыну выстаўлена 28 абвінавачанняў па крымінальных артыкулах, звязаных з арганізацыяй незаконным перасячэннем мяжы і ўдзелам у злачыннай групоўцы, якая займалася перавозам нелегальных мігрантаў праз мяжу, піша выданне Mostmedia.io са спасылкай на памежную службу Польшчы.
Здымак мае ілюстрацыйны характар.
Фота: podlaskaPolicja / X
Злачынствы, у якіх абвінавачваюць беларуса, адбыліся ў кастрычніку 2022 года. Тады польскія памежнікі спынілі ў Мазавецкім ваяводстве аўтамабіль, у якім знаходзіліся трое грамадзянаў Сірыі. У іх не было дакументаў, якія б пацвярджалі легальнае знаходжанне на тэрыторыі краіны, пры гэтым яны накіроўваліся ў бок Нямеччыны з тэрыторыі Беларусі.
Перавозкай мігрантаў займаўся грамадзянін Азербайджана, які пазней прызнаў сваю віну і адседзеў 9 месяцаў у СІЗА. У ходзе следства стала вядома, што гэтую работу ён выконваў на даручэнне 46-гадовага беларуса.
Паліцыя ў выніку знайшла беларуса. Гэта адбылося ў траўні 2023 года. Пры вобшуку ў кватэры ў яго знайшлі тры мабільныя тэлефоны і чатыры SIM-карты, якія выкарыстоўваліся грамадзянінам Беларусі ў сваёй дзейнасці і сталі доказамі па справе.
У выніку мужчына прызнаў сваю віну, яму пагражае ад шасці месяцаў да васьмі гадоў зняволення.
Нагадаем, што ў студзені ў Польшчы затрымалі групоўку з 23 чалавек, якія займаліся арганізацыяй незаконнай міграцыі з Беларусі ў Еўразвяз. Сярод затрыманых былі і беларусы
Раман Шавель belsat.eu
Zgłoś naruszenie/Błąd
Pozytywnie
Neutralnie 
Negatywnie
Lubię to!
Super
Ekscytujący 
Ciekawy
Smieszny
Smutny
Wściekły
Przerażony
Szokujący
Wzruszający
Rozczarowany
Zaskoczony
Prawda
Manipulacja
Fake news
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS