У Беларусь прыбылі чатыры расейскія верталёты Мі-35м

На адзін з вайсковых аэрадромаў Беларусі прыбыла партыя з чатырох шматмэтавых ударных верталётаў Мі-35м. Пра гэта паведамляе Міністэрства абароны.

Верталёты Мі-35М у Беларусі.

Фота: modmilby / Telegram

Вядома, што ў 2023-м Расея перадала Беларусі чатыры верталёта Мі-35м. Анансавалася, што сёлета беларускае войска атрымае яшчэ адну партыю гэтых верталётаў.

Як зазначаецца ў прэс-рэлізе Мінабароны 7 красавіка, верталёты пілатавалі беларускія лётчыкі, якія прайшлі навучанне ў навучальным цэнтры Узброеных сілаў Расейскай Федэрацыі. Маршрут пералёту склаў больш за 2000 кіламетраў.

Намеснік камандуючага ВПС і войскамі СПА – начальнік авіяцыі Леанід Давідовіч заявіў, што пастаноўка на ўзбраенне найноўшых верталётаў – гэта знакавая падзея для Узброеных сілаў Беларусі.

«Ужо зусім хутка яны стануць у строй, і ў бліжэйшым будучым новыя Мі-35м будуць заступаць на баявое дзяжурства і паўнацэнна ўдзельнічаць у іншых мерапрыемствах баявой падрыхтоўкі», – падкрэсліў ён.

Паводле праекту «Global Firepower», да прыбыцця гэтай партыі тэхнікі ў Беларусі былі гатовыя да выкарыстання 14 ударных верталётаў.

Глеб Нержын belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ