Сі Цзінь Пін: Кітай мае намер працаваць з Францыяй для «вырашэння ўкраінскага крызісу»

КНР мае намер працаваць з Францыяй і ўсёй міжнароднай супольнасцю над пошукам шляхоў «вырашэння ўкраінскага крызісу». Пра гэта ў сваёй калонцы для Le Figaro заявіў лідар Кітая Сі Цзінь Пін.

Сі Цзінь Пін.

Фота: ussian.news.cn

Як вядома, лідар Паднябеснай прыбыў у Францыю з двухдзённым візітам. У прыватнасці, ён правядзе перамовы з прэзідэнтам Эманюэлем Макронам.

Кіраўнік КНР, сярод іншага, паабяцаў адкрыць кітайскія рынкі для заходніх кампаній, запэўніў, што разумее стаўкі ўкраінскага крызісу для еўрапейцаў і кажа, што адданы ўзаемнай павазе і мірнаму суіснаванню паміж дзяржавамі.

«Я маю вялікае задавальненне ажыццявіць свой трэці дзяржаўны візіт у Францыю на запрашэнне прэзідэнта Эманюэля Макрона. Для кітайцаў Францыя мае непаўторны шарм. Гэта радзіма многіх вялікіх філосафаў, пісьменнікаў і мастакоў, якія натхнілі чалавецтва», – адзначыў Сі Цзінь Пін.

Паводле яго слоў, ён спадзяецца, што мір і стабільнасць хутка вернуцца ў Еўропу.

«Мы маем намер працаваць з Францыяй і ўсёй міжнароднай супольнасцю, каб знайсці правільныя шляхі вырашэння крызісу», – падкрэсліў лідар Кітая.

Макрон будзе ціснуць на Сі Цзінь Піна падчас візіту лідара Кітая ў Францыю, гаворыцца ў матэрыяле Le Monde. Па дадзеных выдання, перамовы прэзідэнта Францыі з кітайскім калегам будуць прысвечаны падтрымцы кітайскай эканомікай зброевай прамысловасці РФ.

Прэзідэнт Кітая Сі Цзінь Пін наведае Еўропу ўпершыню прыкладна за пяць гадоў на фоне росту напружанасці ў адносінах з Захадам па шэрагу пытанняў, у тым ліку па гандлю, абвінавачванні ў шпіянажы і падтрымцы Расеі.

У сваю чаргу Уладзімір Пуцін прыедзе ў Кітай адразу пасля візіту Сі Цзінь Піна ў Еўропу. Па інфармацыі Bloomberg, гэта будзе першы міжнародны візіт Пуціна пасля пачатку новага тэрміна кіравання.

Ася Саковіч belsat.eu

Reakcja

0%0Pozytywnie0%0Neutralnie 0%0Negatywnie

Twoje emocje

0%0Lubię to!

0%0Super0%0Ekscytujący 0%0Ciekawy0%0Smieszny0%0Smutny0%0Wściekły0%0Przerażony0%0Szokujący0%0Wzruszający0%0Rozczarowany0%0Zaskoczony

Co sądzisz?

0%0Prawda0%0Manipulacja0%0Fake news

0

0Ulub

Oryginalne źródło ZOBACZ