Камісія Парламенцкага сходу Саюзу Беларусі і Расеі па працы, сацыяльнай палітыцы і ахове здароўя разглядае магчымасць размеркавання выпускнікоў сярэдніх і вышэйшых навучальных установаў на прадпрыемствы, задзейнічаныя ў прыярытэтных галінах эканомікі Саюзнай дзяржавы, паведамляе агенцыя «Минск-Новости».
У Беларусі ўзмацнілі ўвагу да мэтавай падрыхтоўкі навучэнцаў непасрэдна на прадпрыемствах, задзейнічаных у эканоміцы Саюзнай дзяржавы. Паводле дэпутата Палаты прадстаўнікоў Аляксандра Шацько, выпускнікоў сярэднеспецыяльных установаў забяспечаць працай на тры гады, а тых, хто скончыў ВНУ – на пяць гадоў.
Дэпутат таксама абяцае добры заробак і жытло для мэтавікоў:
«Такія ўмовы існуюць не для ўсіх выпускнікоў і не для ўсіх, хто прыйдзе працаваць на прадпрыемствы. А для мэтавікоў гэта гарантавана».
Акрамя таго, штогод павялічваюцца квоты для беларускай моладзі ў расейскіх ВНУ: у 2024 годзе была выдзеленая самая вялікая квота за ўсе гады – 1300 месцаў.
Размеркавання ў Расею змогуць пазбегнуць студэнты, якія маюць ільготы па размеркаванні.
У Беларусі студэнты, якія навучаліся на бюджэтнай форме атрымання адукацыі, пасля сканчэння ВНУ павінны адпрацаваць абавязковае размеркаванне. У выпадку адмовы давядзецца выплаціць даволі вялікую суму за ўвесь час навучання. У Расеі сістэмы абавязковага размеркавання няма.
Апошнім часам беларуская дзяржава прыкладае шмат намаганняў, каб выпускнікі сярэдніх школаў не паступалі ў замежныя ВНУ, а заставаліся ў Беларусі. У прыватнасці, зацягваюць працэдуру атрымання апастылю на дакументы аб адукацыі ды ладзяць іншыя перашкоды.
Марыя Міхалевіч belsat.eu
Zgłoś naruszenie/Błąd
Oryginalne źródło ZOBACZ
Dodaj kanał RSS
Musisz być zalogowanym aby zaproponować nowy kanal RSS